Kuvend, Pollo: Progrese me reformat ne ekonomi

Zevendeskryeministri Genc Pollo, ne fjalen e tij ne seancen e sotme Parlamentare, ka deklaruar se Shqiperia ka arritur sukses ne kryerjen e reformave ekonomike.

Sipas tij, nje gje e tille eshte konstatuar jo vetem nga organizatat nderkombetare permes raporteve te tyre, por edhe nga presidenca e radhes e BE.

“Jane kryer reforma, ka pasur zhvillime ne ekonomi dhe jane lehtesuar procedurat e hapjes se bizneseve. I rendesishem ne kete drejtim ishte raporti i Transparency International dhe ai i Bankes Boterore, por vleresimet vijne edhe nga BE. Presidenca franceze ka deklaruar se rezultatet e BB perkojne me te dhenat e saj”, ka pohuar Pollo.

Numri 2 i qeverise ka theksuar gjithashtu se arritje jane verifikuar edhe ne luften kunder korrupsionit, ndonese ketu ka pranuar se mbetet ende shume per t’u bere.

“Lidhur me korrupsionin, nderkombetaret vleresojne se fenomeni ne fjale eshte luftuar pa kompromis. Megjithate, lufta ndaj korrupsionit nuk mbaron ketu dhe presidenca franceze ka kerkuar me shume angazhime si dhe permiresime ne sistemin e gjyqesorit, ne sistemin shendetesor dhe ne luften kunder trafikut te qenieve njerezore”, ka shtuar Pollo.