Godo: Ne shtator, urgjent Kodi Zgjedhor

Presidenti i Asamblese Parlamentare te Partise Republikane ka deklaruar dje se ne shtator duhet te nise puna per rregullimet ne Kodin Zgjedhore dhe se pjese e ketij procesi duhet te jene edhe partite e vogla. Godo eshte shprehur se afatet kerkojne nje nderhyrje urgjente ne ligjin elektoral duke qene se ne 8 shtator Presidenti do te shpalle dhe daten e zgjedhjeve. "Eshte nje nevoje imediate qe ne shtator, me hapjen e Parlamentit dhe te stines politike duhet te niset me kete gje, me rishqyrtimin e Kodit dhe ligjit elektoral", tha Godo. Por vec nevojes emergjente per ndryshime ne Kodin Zgjedhor, Presidenti i PR-se deklaron se ndryshimet duhet te krijojne mundesine qe edhe partite e vogla te jene pjese e kuvendit. Ne lidhje me ndryshimin e sistemit nga proporcional rajonal ne proporcional kombetar, Godo shton se sistemimi i korrektimi do te krijonte nje perfaqesim me te mire ne Kuvend. Ai shprehet se partite e vogla duet te kene rreth 10-15 per qind te votave ne Parlament. "Logjikisht me duket me se e nevojshme qe keto forca politike per mua duhet te jene te pranishme ne parlament. Duhet te kemi 7-8 parti qe te kene nje numer 10-15 per qind te votave ne Parlament dhe kjo behet duke korrektuar kete Kod Elektoral qe kemi ne fuqi", u shpreh politikani Sabri Godo. Nga ana tjeter Godo ka sugjeruar se ndryshimet ne Kodin Zgjedhor nuk duhet te perserisin menyren sesi u bene gjate reformes se fundit zgjedhore. Ai eshte shprehur se ato nuk duhen lene vetem ne duart e Partise Socialiste dhe asaj Demokratike. Sipas tij ndryshimet bipartizane nuk do te sillnin permiresime esenciale. Vec subjekteve politike qe kane kerkuar nderhyrjen e partive te medha per sistemin zgjedhor edhe shoqeria civile ka sugjeruar nisjen e punes per Kodin Zgjedhor.