Gorea: Te gjithe pensionistet do t'i marrin pagesat ne kohe Luljeta Ndoka

Duke filluar nga dita e neserme do te hyje ne fuqi vendimi per zbatimin e grafikut te ri per shperndarjen e pensioneve. Drejtori i Postes Shqiptare sh.a., Arqile Gorea, siguroi dje te gjithe pensionistet se asnje prej tyre nuk do te ngele pa marre pensionin ne daten e duhur dhe se parate e tyre jane te garantuara. Sipas tij, ne rast se pensionisti nuk e merr ne daten e vendosur, do te mund ta terheqe diten e shtune te asaj jave. Nese serish nuk paraqitet, nuk ka me nje date te trete, por do te paraqitet ne poste muajin qe vjen ne te njejten date. Kjo nisme qe do te pilotohet ne kryeqytet per t'u shtrire pastaj ne te gjithe vendin, ndermerret per te shmangur radhet e gjata te pritjes se pensionisteve ne sportele. "Ne shpresojme qe nga prilli te startoje projekti pilot. Keta pensioniste, qe jetojne jashte ose kane nevoja urgjente, mjafton te kene dokumentacionin perkates te justifikimit per keto. Ata do ta marrin brenda dites. Nese iken data, ne kemi lene diten e shtune, pasi punojme dhe dite te shtune", - tha dje gjate nje konference Arqile Gorea, drejtor i Postes Shqiptare. Sipas tij, jane hartuar grafiket e ndarjes se pensioneve, sipas te cilit cdo pensionist do te kete daten dhe oren e tij te percaktuar e te mos prese ne radhe per te marre pensionin e tij. "Ne cdo zyre, Posta Shqiptare ka tashme te afishuar gjithe dokumentacionin e nevojshem me modelin e ri te shperndarjes se pensioneve, sipas te cilit pensionistet do te kene ne dore nje dokument zyrtar per masen e pensionit te paguar. Kjo nuk do te lejoje qe njerez te pandergjegjshem te abuzojne me te ardhurat e pensionisteve", - tha Gorea. Ai shtoi se pensionistet duhet te jene te qarte per te gjithe proceduren, pasi dokumentacioni rregulloret, vendimet per ndryshimet e perfitimet e mases se pensioneve jane te afishuara ne stendat e te gjitha pikave per ndarjen e pensioneve. Ky proces i nisur ne fillim te muajit mars, do te perfundoje me informatizimin e plote te sherbimit te pageses se pensioneve. "Posta Shqiptare eshte e ndergjegjshme per veshtiresite e hasura gjate muajit mars, por ne te njejten kohe u mobilizua totalisht ne kapercimin e situates se krijuar, veshtiresi qe kane lidhje vetem me sistemin e ri te informatizimit ne ndarjen e pensioneve. Megjithate deklarojme se ritmi i shperndarjes se pensioneve gjate marsit, ka qene me i larte se ne dy muajt paraardhes", - tha Gorea. Konkretisht, sipas tij, ne janar jane shperndare 72 per qind e pagesave, ne shkurt 75 per qind, kurse ne mars, shifra ka shkuar ne 80 per qind te pagesave. Diferenca prej 20 per qind ka te beje me pensioniste qe per arsye te ndryshme, si udhetime jashte shtetit, gjendja shendetesore etj., nuk e kane terhequr pensionin", - tha Gorea.