Gotze mbetet në Dortmund

Menaxheri i Mario Gotzes ka mohuar spekulimet se mesfushori i Borussia Dortmundit, në fund të këtij sezoni mund të transferohet në Manchester United ose Juventus.

Më herët gjatë javës spekulohej se Djajtë e Kuq dhe Bianconerët janë favorit për të siguruar shërbimet e yllit të ri gjerman. Por, Volker Struth ka theksuar se Gotze do të vazhdojë në Dortmund.

“Ne të gjithë jemi pajtuar që ai të luajë në Dortmund edhe sezonin e ardhshëm” deklaroi Struth. Gotze, ka kontratë me Dortmundin deri në qershor 2014.