Grabiten Uruguai dhe gazetari gjerman

Në Botërorin 2010 vazhdojnë problemet që lidhen me kriminalitetin. Gjatë mbrëmjes së të premtes, ndërkohë që Uruguai po luante kundër Francës, hajdutët hynë në dhomat e hotelit ku është akomoduar skuadra “çeleste” në Kejp Taun. Në dhomën e Ernesto Rodriguez hajdutët morën 4 mijë dollarë, ndërsa në dhomën e Daniel Marotas, vlera monetare e zhdukur ishte 8 mijë dollarë. Sipas policisë, një pjesëtar i delegacionit të Uruguait mund të jetë i përfshirë në ngjarje. Ndërkohë, një gazetar gjerman ka qenë viktima e hajdutëve në Pretoria: atë e grabitën kur po kthehej nga ndeshja hapëse ndërmjet Afrikës së Jugut dhe Meksikës.