Grabitet arka e KESH-it, kerkohet maska
Nje person i maskuar dhe i armatosur ka realizuar grabitjen e nje arke te mbledhjes se parave te Korporates Elektroenergjitike Shqiptare ne kryeqytet. Ngjarja ka ndodhur pasditen e se premtes ne rrugen "Bardhyl" ne Tirane, ndersa policia eshte perpjekur ta mbaje te fshehte duke mos e konfirmuar per median. Ndersa jane kryer kerkime per autorin, agjentet kane mundur te marrin karakteristikat e tij nga deshmite e dy punonjeseve qe jane ndier nen kercenimin e armes. Besohet qe i riu te jete rreth 25 vjec dhe t'i perkase komunitetit rom ose atij egjiptian. Zyrtarisht policia nuk e konfirmoi ngjarjen por burime brenda saj thane se paraprakisht mendohet qe autori te kete grabitur nje shume te konsiderueshme parash, sasia e te cilave nuk u detajua.
Ka qene ora 19:00 e se premtes kur nje person i maskuar dhe me motor ka shkuar me nje arme tip pistolete ne dore, duke u perpjekur te grabise shumen prej 400 mije lekesh te rinj qe ndodhej ne arken e kesaj agjencie te KESH. Burime te policise qe shkuan ne vendngjarje, thane dje per "Koha Jone" se arka ndodhej ne kryqezimin e rruges te "Dibres" me ate "Bardhyl". Ka qene njera nga dy punonjeset e arkes qe ka arritur te njoftoje policine. Kjo e fundit shkoi drejt vendit te ngjarjes me disa patrulla te komisariatit numer 4. Pas kesaj drejt vendit ku ndodhej arka kane shkuar dhe gjashte patrulla te Drejtorise se Policise se Tiranes.
Ne deshmite e marra nga policia prej punonjeseve te arkes se mbledhjes se faturave te energjise elektrike, mesohet se autori ka perfituar nga erresira e prag-mbremjes per te kryer krimin. Ai ka hyre ne mjediset e zyres arketuese dhe me nje arme zjarri ne dore ka kercenuar per te marre parate qe deri ne ate moment ishin mbledhur nga faturimet e dites. Ndersa ka ndjere rrezikun e arrestimit dhe sirenat e makinave te policise, autori eshte larguar me shpejtesi me motor. Kur forcat e para policore u afruan, dy punonjeset u treguan se ishin kercenuar nen tyten e nje pistolete qe te zbraznin nga kasaforta 400 mije leket e grumbulluara. Menjehere kane nisur kerkimet policore per gjetjen e grabitesit te maskuar, por ende nuk eshte lokalizuar vendndodhja e tij. Artan Cena
Djegia e arkes ne ish-Bllok
Tre vjet me pare, ne zonen e ish-Bllokut, prane stadiumit "Selman Stermasi" mori flake nje arke e Korporates Elektroenergjitike. Zjarri e perfshiu objektin kur ne ambientet e saj nuk gjendej asnje prej punonjesve. Ne ate kohe, policia zhvilloi hetime ne lidhje me kete zjarr, qe u cilesua i qellimshem, per shkak te faturave, regjistrave dhe pagesave te energjise elektrike. Por arka e djegur u zevendesua perseri dhe nuk u raportuan deme te dokumentacioneve.