Grant per fermeret, per nxitjen e prodhimit

Kryeministri Berisha deklaroi se kete vit eshte disafishuar numri ï fermereve qe kane aplikuar, per mbeshtetje nga granti i qeverise per fermeret. Gjate mbledhjes se djeshme te qeverise, kryeministri theksoi se ky eshte nje lajm shume pozitiv per zhvillimin e bujqesise ne vend. Po keshtu Berisha, theksoi se numri i fermereve te cilet vleresohen ne baze te projekteve te tyre, pritet te jete shume i madh. Sipas Berishes, ka nje nxitje te madhe nga ana e fermereve per mbjelljen e ullirit, i cili eshte nje projekt i ndermarre nga qeveria pak kohe me pare. "Vecanerisht eshte ndezur dhe po ndizet cdo dite e me shume, ajo qe mund ta quajme "ethja" e ullirit. Per hir te se vertetes, permes subvencionimit, jane mbjelle mbi 2 milione rrenje ullinj ne 4 muaj, pra me shume se asnjehere", deklaroi kryeministri Berisha ne mbledhjen e djeshme te qeverise. Sipas Berishes, per rreth gjysme viti, jane mbjelle pothuajse sa gjysma e numrit te rrenjeve te ullinjve qe ekzistojne ne Shqiperi, ku jane rreth 5 milione rrenje.

Keshilla

Kryeministri Berisha keshilloi dje ministrin e Bujqesise, Jemin Gjana qe ne aplikimet qe fermeret bejne per subvencionim, projekti i ullirit duhet te jete i pari. Nga ana tjeter sipas Berishes, projektet e tjera do te programohen sipas sezonit, pasi ne e kemi zgjeruar edhe spektrin e projekteve ku mund te aplikohet.