Grekët në greva e protesta kundër largimeve nga puna
Reagimi qytetar kundër shkurtimeve nga puna që planifikon t’i miratojë Parlamenti grek, ka arritur kulmin me protestat që u zhvilluan në qendër të Athinës.
Për shkak të tubimit të sindikatave të sektorit publik dhe privat, të punonjësve të administratës lokale dhe sindikatës së komunistëve në mesditë u bllokua qendra e kryeqytetit, ku sipas disa vlerësimeve rreth 25 000 vetë kishin dalë në rrugë me parulla në duar, për të protestuar kundër largimeve nga puna. Merrnin pjesë edhe anëtarët e SYRIZA, të cilët kërkonin largimin e qeverisë.
Prania e policisë në protestë ishte diskrete dhe nuk u shënua ndonjë incident.
Ndërkaq në gjithë Greqinë vazhdon greva 24 orëshe, si reagim ndaj projektligjit të qeverisë që përmban masat e reja me shkurtime vendesh pune në sektorin publik.
Spitalet dhe ambulancat punojnë me personel sigurie për shkak të grevës. Probleme kanë qytetarët edhe për lëvizjen me trenat dhe metrotë e ndërmarrjes së hekurudhave (OSE), që gjithashtu marrin pjesë në grevën 24 orëshe. Mbyllur do të jenë deri nesër bashkitë e vendit, të cilat protestojnë pas vendimit për heqjen e rojave të shkollave dhe shkrirjes së policisë bashkiake.
Mbrëmjen e sotme para parlamentit do të zhvillohet një tubim proteste, por një i tillë më i madh do të zhvillohet nesër, ditën që do të votohet projektligji, i cili parashikon shkurtime drastike nga puna; 12 500 punonjës të administratës civile, deri në fund të këtij viti.
Reforma në administratën publike është një nga kushtet kryesore, që i janë vënë Greqisë, në këmbim të lëvrimit të kësteve të ndihmës financiare.
Për shkak të tubimit të sindikatave të sektorit publik dhe privat, të punonjësve të administratës lokale dhe sindikatës së komunistëve në mesditë u bllokua qendra e kryeqytetit, ku sipas disa vlerësimeve rreth 25 000 vetë kishin dalë në rrugë me parulla në duar, për të protestuar kundër largimeve nga puna. Merrnin pjesë edhe anëtarët e SYRIZA, të cilët kërkonin largimin e qeverisë.
Prania e policisë në protestë ishte diskrete dhe nuk u shënua ndonjë incident.
Ndërkaq në gjithë Greqinë vazhdon greva 24 orëshe, si reagim ndaj projektligjit të qeverisë që përmban masat e reja me shkurtime vendesh pune në sektorin publik.
Spitalet dhe ambulancat punojnë me personel sigurie për shkak të grevës. Probleme kanë qytetarët edhe për lëvizjen me trenat dhe metrotë e ndërmarrjes së hekurudhave (OSE), që gjithashtu marrin pjesë në grevën 24 orëshe. Mbyllur do të jenë deri nesër bashkitë e vendit, të cilat protestojnë pas vendimit për heqjen e rojave të shkollave dhe shkrirjes së policisë bashkiake.
Mbrëmjen e sotme para parlamentit do të zhvillohet një tubim proteste, por një i tillë më i madh do të zhvillohet nesër, ditën që do të votohet projektligji, i cili parashikon shkurtime drastike nga puna; 12 500 punonjës të administratës civile, deri në fund të këtij viti.
Reforma në administratën publike është një nga kushtet kryesore, që i janë vënë Greqisë, në këmbim të lëvrimit të kësteve të ndihmës financiare.