Greqi - parlamenti ratifikon marrëveshjen e TAP me shumicë votash

Marrëveshja e nënshkruar më 13 shkurt në Athinë

Parlamenti grek ka ratifikuar me shumicë votash marrëveshjen për projektin TAP që ishte nënshkruar më 13 shkurt në Athinë, nga Greqia, Shqipëria dhe Italia. Ka qenë një nga seancat më të qeta parlamentare të muajve të fundit, ku madje edhe partia më e madhe opozitare, nuk ka votuar “kundër”, siç është praktika e saj konstante, por ka abstenuar, si edhe partia e Ekstremit të djathtë, Agimi i Artë. Edhe e majta Demokratike u shpreh se bashkëpunimi për projektin TAP do të mund të jepte një shans për t’u rivendosur në tavolinë çështja e marrëveshjes për kufirin detar.