Greqi, guvernatori i Bankës: Nevojë urgjente për koalicion qeverisës

ATHINE - Guvernatori i Bankës së Greqisë George Provopoulos, theksoi sot nevojën urgjente për bashkëpunim në krijimin e një qeveri uniteti, dhe paralajmëroi se “vonesat do të dëmtojnë edhe më shumë kredibilitetin në vend”. Gjatë një interviste për “Financial Times”, guvernatori Provopoulos thekson: "Ka nevojë urgjente për formimin e menjëhershëm të një qeverie të re dhe për angazhimin e saj në zbatimin e plotë të vendimeve të Kryetarëve të Shteteve dhe Qeverive më 27 tetor, si dhe të masave që rrjedhin nga marrëveshja. "

Gjatë dy viteve të fundit, thotë se guvernatori i Bankës së Greqisë, sistemi bankar grek tregoi elasticitetin me efektet e pasigurisë të krijuara nga kriza e borxhit, dhe pasiguria politike e ditëve të e fundit krijoi probleme shtesë për ekonominë dhe sistemin bankar.

Vonesa në formimin e një qeverie të re, kërcënon të minojë më tej besueshmërinë e vendit, paralajmëron zoti Provopoulos.

"Për të ruajtur stabilitetin financiar në këtë mjedis të vështirë, është e nevojshme një bashkëpunim të fortë për të zbatuar politikat e nevojshme që do të mbrojnë të ardhmen e Greqisë në zonën e euros", tha Guvernatori.