Greqi, zjarr në autobusin me turistë shqiptarë, s`ka të lënduar
Një autobus me turistë shqiptarë është përfshirë nga flakët mëngjesin e sotëm në Greqi.
Sipas informacioneve autobusi ishte nisur nga qyteti Halkidiki i Greqisë dhe po kthehej në Shqipëri ndërsa ngjarja ka ndodhur në aksin rrugor Selanik-Neon Mudanion.
Sipas policisë greke në autobus ndodheshin 7 persona, duke përfshirë edhe shoferin, të gjithë shqiptarë por fatmirësisht asnjëri prej udhëtarëve nuk ka mbetur i lënduar.
Ende nuk ka të dhëna të plota për shkaqet e zjarrit, por nga hetimet paraprake mësohet se shkak mund të jetë bërë një qark i shkurtër elektrik.