Greqia ka demtuar reputacionin e euros

Borxhet e larta te Greqise dhe falsifikimi i statistikave ekonomike e buxhetore, shkaktojne trazira ne tregjet financiare nderkombetare. Monedha e perbashket euro ka humbur nderkohe vleren. Qe prej fillimit te dhjetorit, euro ne krahasim me dollarin ka humbur 8 per qind ne vlere. Nga ana tjeter ne mesin e janarit, kerkesa per bonot miliardeshe te thesarit e tejkaloi disafish oferten. Shkaku eshte i qarte. Greket ofruan interes me kater per qind me shume se norma e interesit te bonove gjermane te thesarit, te cilat perbejne vleren e references per marrjen e kredive shteterore ne vendet e euros. Greket kane jetuar pertej kushteve te tyre dhe jane vete pergjegjes per gjendjen e arritur. Nga ana tjeter vendet e tjera te euros dhe Banka Qendrore Evropiane nuk e kane ndjekur situaten sa duhet, por u kane besuar shifrave nga Athina. Ne kete menyre Greqia me statistika te falsifikuara ka hapur rrugen drejt Eurozones dhe jo vetem qe ka administruar keq, por ka vazhduar te beje falsifikime. Qeveria ne Athine ka shpallur masa te rrepta kursimesh ne shpenzimet shteterore dhe ne sigurimet sociale, por askush nuk beson se ajo do te kete qendrueshmerine e duhur per te realizuar kete program kunder popullsise qe rebelohet.