Greva e urise, rregulla te forta per te takuar te ngujuarit para kryeministrise

Dita e djeshme per grevistet opozitar qe ndodhen ne tenden perballe Kryeministrise, ka nisur me viziten e mjekut, Sabit Brokaj. Me pas, ka qene deputeti i Partise Socialiste, Arben Isaraj, i cili ka vizituar koleget e tij dhe ka qendruar se bashku me to perreth 1 ore. Por, krahas kesaj vizite, ne tenden e grevisteve rregullat e vendosura jane shume te forta, kryetari i Bashkise se Vlores, Shpetim Gjika, i cili kerkonte te vizitonte grevistet, nuk eshte lejuar te beje dicka te tille. Nga ana tjeter, gjate mesdites, ka qene vete kryetari i Partise Socialiste, Edi Rama, i cili ka vizituar deputetet e tij. Pas diskutimit me ta, kryesocialisti shprehu vendosmerine e opozites per te vijuar deri ne fund betejen e tyre. Me pas, ne tenden rreth grevisteve ra nje qetesi, ku mbeshtetesit u shperndane per t'u rimbledhur serish rreth pasdites. Nga ana tjeter, ne cadrat perballe Kryeministrise mberriten dhe freskuese, te cilat u hoqen nga kutia e tyre dhe me pas u futen brenda ambientit. Nje tjeter rregull i vendosur nga shtabi i protestes ka te beje me mos futjen e asnje gjeje e cila nuk do te jete e dukshme dhe transparence qe nen te nuk fshihet asnje gje tjeter. Ne te njejten menyre u procedua edhe me veshjet me menga te gjata te cilat mberriten per grevistet. Keto veshje u sollen prane tyre pasi gjate nates moti ishte i fresket. Nder te tjera, eshte dhene edhe porosia nga grupi i mjekeve per grevistet, per menyren se si duhet te konsumojne ujin qe te mos i bejne dem ne mungese te ushqimeve jetesore. Nje tjeter ceshtje e rendesishme ka te beje me organizimin e protestave, burime nga selia roze, bejne te ditur se shtabi i protestes vendosi qe te gjitha rrethet te protestojne sipas grafikut, cdo dite ne oren 18:00 perpara Kryeministrise. D.D