Grindet me fqinjin, i djeg magazinen e ushqimeve

Korce- Grindet me fqinjin per pronesi, i shkrumbon magazinen me rezervat ushqimore te dimrit. Ngjarja ka ndodhur dy dite me pare ne fshatin Poceste te Korces, kurse denoncimi u be nga i demtuari K. Lipo. Burime zyrtare thane dje se ndaluan per kete krim te dyshuarin Nevion Hoxhalli, 51-vjec, nen akuzen e "shkaterrimit te prones me zjarr, me dashje". Sipas hetimeve te kryera rezulton se pas nje grindje me fqinjin e tij K. Lipo, Hoxhalli ka thurur planin per ta demtuar. Gjate oreve te nates ai ka shkuar afer shtepise dhe i ka vene flaken magazinave te rezervave ushqimore. "Nga veprimet e kryera rezulton te jete autor i dyshuar i djegies se 7 kuintale baze ushqimore", njoftoi policia vendore. Gjate marrjes ne pyetje Hoxhalli eshte perpjekur te mohoje krimin, kurse grupi hetimor vendosi hetimin ne gjendje te lire te tij, duke e nxjerre nga qelite e paraburgimit dhe dosja iu kalua Prokurorise se Korces per veprime te metejshme.