Gruaja akuzon policine

Ish-polici Selman Lumani, gjate kryerjes se veprimeve proceduriale nga policia gjyqesore per t'i shpetuar arrestimit, eshte hedhur nga kati trete i baneses se tij dhe ka pesuar demtime ne kembe dhe shpatull. Bashkeshkortja e tij Lulzime Lumani tregon se pasi kane hyre ne banese policet i kane kerkuar Selmanit te tregonte se ku i kishte vulat dhe pajisjet per dokumetat qe falsifikonte. Por ai ka kerkuar nga policet nje mandat kontrolli. Pas ketyre replikave mes tij dhe policeve te veshur civil eshte zhvilluar debat i ashper. "Policet perdoren dhune mbi burrin tim, per ta detyruar te tregonte. Pas tensionimit te situates, ata e shtyne burrin drejt dritares se ballkonit, e cila ishte e hapur. U perpoqa ta arrija per ta kapur, por ne pamundesi pashe sesi fluturoi nga ballkoni drejt e ne trotuarin poshte shtepise, nga nje lartesi me shume se 8 meter. E humba fare logjiken dhe mbeta pa ndjenja. Une denoncoj policine qe me sakatoi burrin dhe femijet", thote bashkeshortja e ish-policit.