Gruaja xheloze kercenon rivalen

Durres- Xhelozia per burrat kthehet ne nje armiqesi te rrezikshme per dy gra nga qyteti i Durresit. Komisariati i policise ka marre nje denoncim te vecante dy dite me pare, kur nje 42-vjecare kerkonte ndihme, pasi kercenohej me jete nga rivalja e saj 56-vjecare. Nuk ishin vetem kanosje ne rruge, fyerje, por edhe kercenime ne telefon, me mesazhe apo me letra te derguara me poste dhe te hedhura poshte deres. Po dje, dy gra te tjera kane denoncuar dhunen fizike te bashkeshorteve te tyre, duke kerkuar ndihmen e policise.
Burime zyrtare konfirmuan ngjarjen dhe bene me dije, se shkak jane bere motivet e dobeta, dyshimet e gruas se tjetra po i merrte bashkeshortin. Diten e djeshme policia nisi hetimet ne gjendje te lire ndaj gruas me inicialet M. B., 56 vjece, banuese ne njesine bashkiake nr.7 te Tiranes. "Procedimi penal ndaj kesaj gruaje, filloi per arsye se dyshohet se ka shqetesuar duke perdorur fjale fyese me mesazhe, thirrje telefonike e letra postare per rreth dy jave, ndaj 42-vjecares A. H., banuese ne qytetin e Durresit", sqaruan zyrtare te policise vendore. Duke u ndjere e kercenuar seriozisht me jete, gruaja nga bregdeti ka bere kallezim penal ne dem te 56-vjecares nga kryeqyteti. Gjate marrjes se deshmive eshte bere e mundur te zbulohet se shkak eshte bere xhelozia qe e dyshuara kishte per te demtuaren, rreth nje lidhje jashtemartesore te bashkeshortit. Por grupi hetimor nuk perjashton edhe nje histori tjeter qe mund te jete bere shkak per kercenimet me jete, duke vijuar hetimet per kete incident. Po diten e djeshme, dosja i kaloi prokurorise per veprat penale te "fyerjes dhe perdorimit me keqdashje te thirrjeve telefonike".
Dhuna brenda familjes po kthehet ne nje problem shqetesues per Policine e Durresit, pasi dje jane regjistruar dy denoncime te tjera te bera nga gra te keqtrajtuara. D. K., 30 vjece, ka pretenduar se bashkeshorti i saj, me inicialet D. K. 44 vjec, banues ne lagjen nr. 12, ka ushtruar dhune fizike dhe psikologjike ndaj nenes se dy femijeve. Kallezimi i dyte eshte bere nga 36-vjecarja me inicialet D. B., po nene e dy femijeve, e cila ka pretenduar se bashkeshorti i saj I. B., 41 vjec, banues ne lagjen nr. 14, ka ushtruar dhune fizike e psikologjike duke e keqtrajtuar, rrahur e kercenuar sistematikisht. Per dy te demtuarat u leshua urdhri i menjehershem i mbrojtjes.