Gruevski-Ahmeti: Akademia te zgjidhe ceshtjet e hapura nga enciklopedia

U zhvillua dje takimi mes kryeministrit maqedonas, Nikola Gruevski dhe kryetarit te BDI-se Ali Ahmeti, ku u debatua per gjendjen aktuale lidhur me mosmarreveshjet rreth enciklopedise se botuar nga Akademia maqedonase e Shkencave. "Enciklopedia perjetoi reagime serioze nga shqiptaret, nga maqedonasit, nga perfaqesuesit e komuniteteve te tjera nderkombetare, nga disa qarqe shkencore si edhe nga vendet fqinje", ka thene Ahmeti. Bashke me Gruevskin u vleresua se nuk duhet qe ky rast te kete ndikim ne marredheniet pozitive nderetnike ne Republiken e Maqedonise dhe nuk duhet qe te lejohet kjo te ndikoje mbi perspektivat e shtetit ne kontekst te aspiratave euroatlantike. "Partneret qeveritare nuk do te lejojne qe asnje individ, politikan apo qytetar te shfrytezoje momente te tilla dhe ta prishe bashkejetesen nderetnike ne vend dhe se bashku do te bejne perpjekje per tejkalimin e gjendjes", - u tha ne deklaraten e perbashket. Te dy partneret qeveritare ne takim shprehen keqardhje per shkeljet dhe pjeset kontestuese te enciklopedise se perpunuar nga akademia dhe rekomanduan qe ajo te gjeje menyrat per tejkalimin e ketyre problemeve.