Gurë polisteroli

Regjisori Petri Bozo, i cili prej vitesh organizon spektaklin “Miss Shqipëria”, ka hasur në vështirësi serioze kur vendosi që këtë spektakël ta bëjë në kalanë e lashtë të Kaninës. Ai tregon se në vitin 2005 e gjeti kalanë me mure thuajse të rrënuara, sa që ishte e pamundur të shërbente si sfond për skenën e spektaklit. Për këtë arsye, skenografët u detyruan të krijonin “gurë” prej polisteroli (bukë peshku), të cilët i lyen me bojë dhe plotësuan muret e vjedhura të kalasë.