Guroret e Dajtit, Xhuveli u lë afat deri në qershor

Ministri i Mjedisit, Lufter Xhuveli, nëpërmjet një vendimi të marrë disa kohë më parë nga Këshilli i Ministrave, ka urdhëruar ndalimin që prej 1 qershorit 2008 të ushtrimit të aktiviteteve të shfrytëzimit të karrierave të gurit gëlqeror në zonën e Parkut Kombëtar të malit të Dajtit. Ministria e Mjedisit i udhëzon këto subjekte që zhvillojnë aktivitetin e tyre brenda Parkut Kombëtar të Dajtit që të marrin masa që brenda kësaj date të kenë larguar materialin gjendje, impiantet e funksionimit dhe automjetet e pajisjet përkatëse dhe të kenë kryer rehabilitimin e mjedisit. Vendimi i Ministrisë të Mjedisit ndalon gjithashtu dhënien e lejeve mjedisore dhe të ushtrimit të aktivitetit të guroreve brenda kësaj zone ndërsa subjekteve me leje të vlefshme nuk do t’iu rinovohet leja.

27 Shkurt 2008