Miratohet struktura e Entit Rregullator të Ujit

Komisioni Parlamentar i Ekonomisë dhe Financave miratoi të hënën projektvendimin “Mbi miratimin e kategorizimit të pozicioneve të punës të Entit Rregullator të Ujit".
Sipas përfaqësuesve të ERRU-së, projektstruktura mbështetet në strukturën aktuale të miratuar me vendim të Këshillit të Ministrave, si dhe perspektivën e këtij sektori.
Kjo strukturë i jep mundësinë ERRU-së të ushtrojë funksionet dhe kompetencat e përcaktuara në ligjin përkatës. Enti Rregullator i Ujit përbëhet nga kryetari dhe katër anëtarë të komisionit, kompetencat dhe funksionet e të cilëve janë përcaktuar në ligjin "Për kuadrin rregullator të sektorit të furnizimit me ujë dhe largimit dhe përpunimit të ujërave të ndotura".

27 Shkurt 2008