H1N1, 700 te vdekur ne bote

Virusi i gripit te derrave i zbuluar ne fund te marsit, ka shkaktuar vdekjen e me teper se 700 personave ne te gjithe boten, deklaroi sot nje zedhenese e Organizates Boterore te Shendetesise. Bilanci i fundit i publikuar ne faqen e internetit te OBSH-se me 6 korrik, njoftonte per 429 te vdekur, nderkohe qe gjate diteve te fundit numri i viktimave eshte rritur ndjeshem. Virusi i ri A/H1N1 u perhap neper bote me nje shpejtesi "te paprecedente" ne raport me epidemite e tjera, deklaroi javen e kaluar OBSH-ja, qe nuk do te vazhdoje te beje publike, statistika globale mbi numrin e personave te infektuar nga virusi. Vendet e prekura do te publikojne vetem rastet me te renda dhe ato fatale, deklaroi zedhenesi, Aphaluck Bhatiaseve. Nderkohe Greqia, eshte duke u pergatitur per skenare shume te keqija ne lidhje me gripin e derrit. Disa parashikime flasin se rreth 3.8 milione banore te fqinjit tone jugor, mund te preken nga kjo semundje. Sipas eksperteve numri i te prekurve do ta kaloje shifren 38 per qind te popullsise, nderkohe qe mjeket duhet te pergatiten per kurimin ne reanimacion te 4.400 pacienteve. Kurse 10 mije paciente te tjere, do te trajtohen ne ambiente te ndryshme te spitaleve.