Haiti zgjedh presidentin më 20 mars

Rezultatet përfundimtare të raundit të parë të zgjedhjeve presidenciale në Haiti do të shpallen të mërkurën, njoftoi Këshilli Zgjedhor.

Rezultatet paraprake shkaktuan trazira në vend pasi kandidati i mbështetur nga qeveria arriti t’i çonte zgjedhjet në raundin e dytë përballë kandidatit kundërshtar, një këngëtari të njohur.

Monitoruesit ndërkombëtarë thanë se rezultatet ishin manipuluar.

Raundi i dytë i zgjedhjeve presidenciale ishte parashikuar të mbahej dy javë më parë por u shty për shkak të trazirave.

Këshilli zgjedhor i Haitit shpalli datën 20 mars, ditën e zhvillimit të raundit të dytë të zgjedhjeve presidenciale.