Hakmarrja, policia ruan shtepine e kryekomunarit

Shkoder- Kryekomunari i Pultit arrestohet ne gjendje spitalore, ndersa nuk pranon autoresine e ekzekutimit te 50-vjecarit Dode Hila, i liruar disa jave me pare nga Burgu i Shenkollit Lezhe, ku vuajti denimin me 12 vjet burg per vrasje. Por lirimi nuk i ka sherbyer aspak te ndjerit nga fshati Kir, teksa mbremjen e se henes, prane spitalit te qytetit, ka ftuar per kafe kryekomunarin Martin (Sokol) Cubi, 40 vjec, i zgjedhur ne maj 2007, ne krye te njesise vendore. Burime zyrtare te Policise se Shkodres, thane dje per gazeten "KJ" se per momentin jane marre masa per te ruajtur familjen Cubi, ne Hot nga ndonje hakmarrje e mundshme, duke vendosur patrulla policie prane shtepise. Ne pyetje jane marre te dyja familjet per ndonje konflikt te meparshem, mes zyrtarit vendor dhe viktimes, ndersa dje eshte zhvilluar edhe ceremonia mortore e 50-vjecarit. "Ndaj Martin (Sokol) Cubit, ka nisur hetimi per veprat penale "vrasje ne kushtet e vetembrojtjes" dhe "armembajtjes pa leje" dhe pritet marrja ne pyetje e te plagosurit", thane zyrtare te policise vendore per "KJ". Ngjarja ndodhi ne lagjen "Skenderbeg", rreth ores 20:30, brenda nje lokali ku po pinin dy te njohurit. Hila ka qelluar tre here me thike, pas grindjes se momentit, Cubin dhe ky i fundit eshte kunderpergjigjur me te shtenat e pistoletes, duke e vrare ne vend.

R. Ll.