Hakmerret Liverpooli

Liverpooli ka shënuar fitore minimale, por shumë të rëndësishme te Manchester City në Ettihad Stadium, për t`iu afruar kualifikimit në finale të Carling Cup.

Liverpooli ishte dominues nga fillimi i takimit, me disa raste të volitshme të cilat i ndali nga konkretizimi ndër portierët më të mirë në botë, Joe Hart.

Sidoqoftë, aftësinë e tij prej portieri fantastik Joe Hart nuk ka mundur t`i tregonte në minutën e 13-të, pasi Steven Gerrard nga penaltia ishte shumë i sigurt kur shënoi për 1-0 dhe rezultatin që mbeti i tillë deri në fund të takimit që vulosi hakmarrjen në terrenin e njëjtë pas humbjes prej 3-0 në Premier Ligën javë më parë.

Më 25 janar Liverpooli pret Manchester Cityn në ndeshjen kthyese të Carling Cup në Anfield, me një avantazh prej një goli ne terrenin mysafir.