Hamasi do të vazhdojë sulmet kundër Izraelit

Gazë, 2 shtator - Grupi islamik Hamas do të vazhdojë me sulmet kundër Izraelit, pavarësisht goditjeve ndaj aktivistëve të tij, tha zëdhënësi i kësaj organizate.

Izraeli dhe Autoriteti Palestinez kanë arrestuar në operacione të ndara qindra veprimtarë të Hamasit, pas vrasjes së katër izraelitëve të martën e kaluar.

Deklarata vjen në kohën kur në Washingotn sot fillojnë bisedimet e para të drejtpërdrejta mes palestinezëve dhe izraelitëve, transmeton REL.

Hamasi ka marrë përgjegjësinë për vrasjen e katër izraelitëve.