Hapet konkursi i dramaturgjisë me temë "Përtej kufijve"

"Përtej kufijve" është tema e konkursit të dramaturgjise shqiptare 2009-të, projekt ky i organizuar nga Ministria e Turizmit , Kulturës ,Rinisë dhe Sporteve, i mbështetur nga ministria e Jashtme e Austrisë . Projekti ka si qëllim të prodhojë dhe promovojë drama të reja që trajtojnë tema përtej kufinjve dhe për të çuar në hapësirën gjermane dhe austriake një zë shqiptar . Drama fituese do të perkthehet dhe botohet në gjuhën gjermane në 11 mijë kopje të destinuara për vende të ndryshme . Përveç kësaj drama më e mire do të fitoje dhe çmimin prej 3500 euro.
Të gjitha dramat konkuruese duhet të paraqiten edhe të përkthyera në gjuhën angleze , deri më datë 20 dhjetor , të cilat do të studjohen mirë nga nje juri nderkombetare prej 5 anëtarësh dhe në muajin shkurt do të zgjidhet dhe drama fituese.Përveç vendit të parë do të ketë dhe dy vende të dytë dhe të tretë.