Harasani: Rama, distancohu nga Xhufi
Deputeti i Partise Socialiste, Andis Harasani, njeheresh themelues i Levizjes per Mendimin Ndryshe ne kete parti, deklaroi se propozimi i ardhur per nje kompromis politik mes Berishes dhe Rames, nepermjet ndarjes se posteve te kreut te Republikes, kryeprokurorit apo kreut te SHISH, eshte nje pazar i turpshem. Propozimi per zgjidhjen e kesaj krize politike eshte bere pak dite me pare nga ish-deputeti i larguar nga Levizja Socialiste per Integrim, Pellumb Xhufi. Ne nje interviste te dhene dje per televizionin kombetar "Klan", Harasani i kerkon kryesocialistit Rama, te distancohet nga personazhe si Xhufi qe nuk kane asnje lidhje me Partine Socialiste, qe sipas tij, rendin pas interesave personale. "Persona te cilet kane kerkuar vote kunder Partise Socialiste, kunder Edi Rames, ne zgjedhjet parlamentare te 28 qershorit, sot dalin e flasin ne emer te Partise Socialiste", deklaroi Harasani. Ai apeloi ndaj kryetarit te partise me te madhe ne opozite, qe "te heqe dore nga persona te tille, te cilet i kerkojne pazare". Sipas sekretarit per Programin Politik ne seline roze, nuk ka se si t'i kerkohet kryeministrit Berisha, Presidenti, prokurore, qofte edhe per te kerkuar ambasadorin tone ne Rome, ose shoferin e ambasadorit ne Rome. Themeluesi i Levizjes per Mendimin Ndryshe ne PS ka injoruar akuzat qe Xhufi ben ne adrese te tij dhe 4 deputeteve te njohur si oponente te kryesocialistit Rama, pas vendimit te ketyre te fundit per te thyer bojkotin, brenda afateve qe parashikon Kushtetuta. "Gjera te tilla, nuk kane asnje lidhje me Partine Socialiste. Partia Socialiste eshte e bindur per te luftuar ne institucione, per te luftuar ne Parlament ne menyre qe ta rrezoje kete qeveri", u shpreh Harasani. Sipas tij, nuk ka asnje problem per ate c'ka thone personazhe si zoti Xhufi. Ai tha se ish-deputeti i Levizjes Socialiste per Integrim njihet boterisht qe per shkak te lidhjeve farefisnore, familjare, shpirterore me Enver Hoxhen, nuk mund te flase ndryshe. Deputeti i partise me te madhe ne opozite eshte shprehur i rezervuar t'i pergjigjet pyetjes, nese deklarata e Xhufit per nje kompromis mes dy lidereve qe do te zgjidhte sipas tij situaten politike, eshte e inskenuar nga vete Rama. I pyetur nese deklaratat e ish-nenkryetarit te LSI, tashme i afruar tek Partia Socialiste, te jene inskenuar nga vete kryesocialisti, Harasani tha se nuk do te donte ta besonte nje gje te tille. "Persona si Xhufi qe nuk jane votuar asnjehere ne popull, thjeshte mundohen te shikojne padronet e radhes", perfundoi fjalen e tij, deputeti i selise roze. Dy dite me pare, kryetari i Levizjes Socialiste per Integrim, Ilir Meta, shprehu keqardhjen per bojkotin e opoziten, ndersa theksoi se me kete rruge te pajustifikuar dhe te pamoralshme nuk mund te kete pazare. Zevendeskryeministri dhe njeheresh ministri i Jashtem, Meta mohoi ne kete menyre si zgjidhje te krizes marrjen nga Partia Socialiste te Presidentit dhe kryeprokurorit.