"Harasani, te nise ndjekja penale"

Prokuroria e Pergjithshme i kerkon leje Kuvendit per ndjekur penalisht deputetin socialist Andis Harasani, per incidentin qe ai pati me Garden dy muaj me pare. Pas kallezimit penal te bere nga Gardistet e institucionit, dje kryetarja Jozefina Topalli lexoi ne seance plenare letren e kryeprokurores Ina Rama, e cila kerkon autorizim per te nisur procedurat per te nisur ndjekjen penale ndaj deputetit, per ngjarjen e "kallinjve pa kokrra". Autorizim qe Kuvendi do ta jape ne nje moment me te vone. Kryetarja Topalli dje, vetem sa informoi mbi letren zyrtare te kryeprokurores Rama. Padia ndaj deputetit socialist Harasani u be nga Garda e Republikes ne 11 shtator te ketij viti, pasi ai se bashku me Ndricim Hysen, tentuan te hyjne ne seance plenare me kallinj misri. Pikerisht ne periudhen kur ne vend debatohej mbi kallinjte e misrit shterpe, qe u prodhuan ne disa zona ne vend. Perplasja ndodhi gjate zhvillimit te seances plenare dhe deputetet pas ndaleses se forte te Gardes munden te fusin ne salle vetem dy kallinj mistri te demtuar, si shenje per deshtimin e qeverise. Padia u be pasi sipas Gardes, deputetet reaguan ne menyre te dhunshme ndaj punonjesve te Gardes, te cilet po benin detyren dhe nuk lejuan, futjen ne salle me mjete te tilla. Nepunesit e Gardes theksuan se deputeti Harasani qelloi me force ndaj gardisteve te bere gardh, per te mos lejuar futjen e kallinjve te misrit ne Kuvend. Ndaj dhe Prokuroria e Pergjithshme kerkon nisjen e ndjekjes penale vetem per te, dhe jo per kolegun Hysa. Nga ana e tyre, dy socialistet nuk fajesojne aspak gardistet per incidentin ne Kuvend, por kryetaren Jozefina Topalli, e cila jep udhezime te tilla qe nuk qendrojne. Socialistet thane se kallinjte e misrit nuk jane aspak mjete te forta qe do te demtojne seancen. Por nje prove per te vertetuar deshtimin e qeverise se kryesuar nga Sali Berisha. Pas incidentit qe ndodhi ne salle, selia roze akuzoi kryetaren e Kuvendit Jozefina Topalli, si nxitesen e ketyre skenave. Sipas PS-se, dy deputetet e saj nuk kane pasur asnje lloj akti te dhunshem, i cili mund te perbeje shkas per kerkese per ndjekje penale. Perkundrazi, sipas tyre eshte Topalli qe nxit skena te tilla duke mos lejuar qe ne salle te dale realiteti qe po ndodh ne bujqesi.