Hetim varreve te Boboshtices

Hetimi nisi kryesisht pas disa incidenteve radhazi ne keto varreza ku fillimisht banoret akuzuan OMONIA-n e Korces se kishin betonuar varrezat e te pareve te tyre. Me pas te dielen e kaluar dhjetera shtetas te ardhur nga Greqia perfaqesues te OMONIA-s dhe Konsullates greke perkujtuan nje ushtar te rene ne Luften e Dyte Boterore ne nderim te te cilit eshte vene nje memorial i madh.
Grupi i hetimit mberriti dje ne kete fshat banoret e te cilit jane mjaft te irrituar nga ndodhite e diteve te fundit ne varrezat e te pareve te tyre. Vizitoret greke dhe perfaqesues te OMONIA-s theksuan se keto varreza jane te ushtareve greke dhe jo te banoreve te vjeter te Boboshtices. Por kjo deklarate ka tensionuar akoma dhe me rende situaten e cila nisi pikerisht kur OMONIA me financime ende te pasqaruara zyrtarisht shtroi rrugen permes varrezave me asfalt ne qellim qe vizitoret e memorialit te ushtarit grek te mos perbalteshin. Mesohet se hetuesit e prokurorise dje kontaktuan me banore te Boboshtices. Ata kane marre te dhena te detajuara per historikun e ketyre varrezave. Burime nga prokuroria bene te ditur se do te hetohet nese ka dhunim te tyre dhe te eshtrave qe jane ne to. Hetimet e prokurorise do te verifikojne nese ka eshtra te dala ne siperfaqe pasi kjo konsiderohet si nje dhunim i varreve dhe perben veper penale. Eshtrat u zhduken diten e diel kur u kryen homazhet ne memorialin e ushtarit grek ndersa e gjithe toka e kesaj varreze u shkel nga vizitoret e shumte greke. Nje tjeter hetim per ceshtjen e varrezave te fshatit Boboshtice ka nisur edhe policia e Korces pas djegies se kurorave te vendosura ne kryqin e memorialit per te zbardhur nese ky akt ka qene aksidental apo i qellimshem. Nderkohe prefekti i Korces Andrea Mano u shpreh se denon me se shumti aktin e djegies se kurorave ne memorialin qe eshte ngritur per ushtarin grek sesa punimet e betonizimit te varrezes atje. Ndryshe nga reagimet e banoreve por edhe te opinionit korcar perfaqesuesi i qeverise nuk dha asnje reagim qe te denoje betonizimin e varrezave te Boboshtices. Djegia e kurorave me lule eshte nje akt i denueshem dhe autoret shume shpejt do te dalin para pergjegjesise. Lidhur me pretendimet qe ngrihen nese jane kryer punime pa leje po hulumtohet nga ana jone ne bashkepunim me komunen e Drenoves dhe sapo te dalin konkluzionet e tyre une do te shprehem per kete tha prefekti Mano.
Sipas tij per sa kohe nuk ka nje verifikim zyrtar te gjendjes ne varrezat e vjetra te Boboshtices nuk mund te thuhet asgje nese ka shkelje apo dhunim te varreve dhe eshtrave te tyre. Ai theksoi se informacionet paraprake tregojne qe djegia e kurorave ka qene e qellimshme. Mano e denoi kete akt dhe shprehu serish qendrimin se do te kerkoje hetim te plote te ketij akti duke anashkaluar nje deklarate te detajuar ne lidhje me betonizimin e varrezave. Lidhur me deklaraten e Konsullit te Pergjithshem grek ne Korce ne festen e pak diteve me pare per clirimin e Greqise ku ishte edhe vete i pranishem prefekti Mano tha se nuk shikon asgje te keqe dhe antishqiptare qe Konsulli te pershendese greket e Korces. Konsulli ne pershendetjen e tij i eshte drejtuar grekeve qe jetojne dhe punojne ketu ne Korce si mesuesve te shkolles OMIROS apo biznesmeneve greke te cilet kane aktivitet ne qytetin tone tha Mano.

KORCE/GEZIM HASHIMI