Hipotekat, jo me radhe, tashme edhe on-line Rozeta Rapushi

Te gjithe ata persona te cilet kerkojne te bejne veprime per tjetersimin e pronave te tyre, jo vetem qe do e bejne nepermjet notereve, por keta te fundit, do te mund te verifikojne te dhenat e pasurise ne menyre elektronike. Keshilli i Ministrave miratoi dje vendimin "Per proceduren e leshimit te dokumenteve nga zyrat e regjistrimit te pasurive te paluajtshme", i propozuar nga Ministri i Drejtesise, Eduard Halimi. Sipas tij, synohet permiresimi i respektimit dhe mbrojtjes se te drejtave te qytetareve, nepermjet ofrimit te sherbimeve te shpejta, cilesore dhe efektive. Kryeministri Sali Berisha, tha gjate mbledhjes se djeshme te qeverise, se ne kete menyre per qytetaret do te kete avantazhe. "Si avantazh kryesor eshte shmangia e kontakteve te drejtperdrejta te qytetarit me zyren e regjistrimit te pasurive te paluajtshme dhe per rrjedhoje reduktimin e fenomenit te radheve te gjata, kohes se humbur dhe veprimeve korruptive. Realizimi i verifikimit on-line te pasurive te paluajtshme, shkurton zhvillimin e nje transaksioni me dy faza per qytetarin: 1 dite per te shkuar tek noteri per lidhjen e kontrates dhe 1 dite per ta terhequr kontraten, se bashku me vertetimin e pronesise", - percaktohet ne vendimin e marre dje nga ekzekutivi. Me ane te ketij vendimi te miratuar, gjen rregullim edhe regjistri elektronik i perpunimit te kerkesave, me te cilin operojne punonjesit e zyres, nen pergjegjesine e Regjistruesit. Ky regjister elektronik, garanton trajtimin e praktikave sipas radhes se paraqitjes se kerkesave. Gjithashtu, parashikohet se Kryeregjistruesi, miraton me udhezim procedurat standarde te veprimeve me regjistrin elektronik te perpunimit te kerkesave, duke perfshire pershkrimin e veprimeve te kryera nga zyra qe pasqyrohen ne kete regjister. Nisma e ndermarre nga Ministria e Drejtesise, synon te parashikoje qe noteri perpara hartimit te aktit te tjetersimit te pasurise se paluajtshme, do te kryeje verifikimin ne nje baze te dhenash elektronike, ku jane te pasqyruara te dhenat mbi pronesine e pasurise. Gazeta "Koha Jone", boton te plote proceduren lehtesuese qe tashme duhet te ndjekin te gjithe ata persona qe kerkojne te kryejne veprime me tjetersimin e pasurise. Te gjithe ata qe do te realizojne veprimet, duhet qe ne formularin e kerkeses, te plotesojne saktesisht te dhenat identifikuese dhe adresen. "Pa cenuar garantimin e procesit te trajtimit te kerkesave, ne perputhje me kronologjine e paraqitjes se tyre, zyrat e regjistrimit te pasurive te paluajtshme percaktojne nje numer punonjesish per te trajtuar kerkesat qe paraqiten nga noteret apo asistentet e tyre", - thuhet shprehimisht ne vendim. Regjistruesi brenda 15 diteve eshte i detyruar te plotesoje kerkesen ose te ktheje pergjigje me shkrim, per mosmiratim te saj. Nderkohe qe parashikohet qe kerkuesi te pajiset me numer identifikimi te kerkeses dhe kodin e sigurise, me ane te te cileve mund te verifikoje gjendjen e trajtimit te kerkeses se tij. "Verifikimet e kryera nga kerkuesit lene gjurme ne sistem dhe nuk mund te ndryshohen nga asnje punonjes i ZRPP. Ne rast ankese kundrejt ZRPP, kerkuesit duhet te permendin dhe numrin e identifikimit personal. Kthimi i pergjigjes kryhet nepermjet sherbimit postar", - vijon vendimi i marre dje ne mbledhjen e Keshillit te Ministrave. Sipas tij, cdo tarife per sherbimin ne ZRPP paguhet ne llogarine bankare.

Procedurat qe duhet te kryhen

Kerkesa behet nga vete ju ose nga noteri apo asistenti i noterit;

Ne formular shenoni emrin, mbiemrin, adresen, telefon/celular dhe e-mail;

Regjistruesi brenda 15 diteve eshte i detyruar te plotesoje kerkesen ose te ktheje pergjigje me shkrim, per mosmiratim;

Kerkuesi pajiset me numer identifikimi te kerkeses dhe kodin e sigurise, me ane te te cileve mund te verifikoje gjendjen e trajtimit te kerkeses se tij;

Verifikimet e kryera nga kerkuesit lene gjurme ne sistem dhe nuk mund te ndryshohen nga asnje punonjes i ZRPP;

Ne rast ankese kundrejt ZRPP, kerkuesit duhet te permendin dhe numrin e identifikimit personal;

Kthimi i pergjigjes kryhet nepermjet sherbimit postar;

Cdo tarife per sherbimin ne ZRPP paguhet ne llogarine bankare.

Sistemi i regjistrimit te pasurive te paluajtshme

Qeveria miratoi gjate mbledhjes se djeshme edhe vendimin per krijimin, regjistrimin, menyren e funksionimit te administrimit dhe nderveprimit per sigurine e sistemit te regjistrimit te pasurive te paluajtshme. Objekti i ketij vendimi, eshte krijimi i bazes te te dhenave shteterore "Sistemi i Regjistrimit te Pasurive te Paluajtshme (ALBSReP)". Kjo do te permbaje, te dhenat per pasurite e paluajtshme dhe faktet qe kane lidhje me gjendjen juridike te tyre, bazuar ne te gjithe informacionin e dokumentacionit tekniko-ligjor, kartelave dhe hartave treguese te regjistrimit/hartave kadastrale, te krijuara ne format elektronik, per pasurite e paluajtshme qe i jane nenshtruar regjistrimit fillestar. Po keshtu, do te permbaje edhe dokumentet e punes, elementet e sigurise, informacionin per proceset e punes, materialet per instruktim, ne ndihme per perdoruesin e sistemit, funksionet e kerkimit, etj. Te dhenat paresore, do te konsiderohen ato qe lidhen me dokumentacionin tekniko-ligjor te pasurise se paluajtshme.