Historia me Gjermaninë

Gjermania synon të fitojë titullin e saj të tretë rekord në Kampionatin botëror të femrave, pas triumfeve më 2003 dhe 2007. Skuadra nikoqire - pjesë e së cilës është edhe kosovarja Fatmire Bajramaj - është favorite për të rrëmbyer sërish trofeun. Ajo thotë se ekipi ka vetëm një objektiv - titullin e kampionit. Nga Express më 26 qershor 2011 në ora 12:53

Tifozët e futbollit që u brengosën se do t’u mungon futbolli festiv veror, që u zhvillua më 2010 në Afrikën e Jugut, do të gëzohen nga programi i kësaj vere.

Derisa COCACAF Golf Cup dhe Kampionati evropian U-21 shkojnë drejt përmbylljes, një tjetër garë e rëndësishme do të zhvillohet brenda një muaji dhe fillon të dielën – Kampionati botëror i femrave në Gjermani.

Edhe pse futbolli i femrave ka vështirësi të zgjojë interesim dhe përkrahje fanatike që gëzon ai i meshkujve, Kampionati botëror sjell një mundësi të shkëlqyeshme që loja të tregojë vlerat e saj si spektakël sportiv.

Në historinë e fundit Gjermania ka dominuar botën e futbollit të femrave, duke fituar dy edicionet e fundit të Kampionatit botëror, por SHBA, Brazili dhe Franca e përmirësuar kanë kualitete të sfidojnë epokën e dominimit gjerman.

Dyshimet rreth kualitetit të futbollit të femrave do të përgjigjen menjëherë nga talenti i yjeve si Marta dhe Birgit Prinz, që do të shpalosin aftësitë e tyre në katër javët e ardhshme.

Në elitën e futbollisteve kulmore hyn edhe kosovarja Fatmire Bajramaj, mesfushorja ofensive e cila sikurse Prinz ka qenë anëtare e rëndësishme në triumfet e kaluara të Gjermanisë.

“Do të japim gjithçka për të ngritur edhe njëherë trofeun. Synimi ynë është të jemi sërish kampione të botës”, tha Bajramaj për agjencinë e lajmeve AFP.

Futbolli i femrave e posaçërisht Kampionati botëror i tyre di të jetë jashtëzakonisht atraktiv dhe këtë e dëshmojnë edhe statistikat e garës së fundit më 2007, ku u shënuan mesatarisht 3.4 gola për ndeshje, ndërsa në ngjarjen e vitit të kaluar të meshkujve ishin 2.2.

Nikoqiri Gjermania hyn në garë si favorit për të fituar titullin e tyre të tretë të njëpasnjëshëm në Kampionat botëror. Brazili mund të kishte marrë shumicën e lëvdatave në garën e vitit 2007 për qasjen e tyre sulmuese, por Gjermania po ashtu luajti futboll të rrjedhshëm - posaçërisht në shkatërrimin e Argjentinës me rezultat 11-0 në fazën e grupeve – dhe fitores 2-0 ndaj Brazilit në finale që i siguroi atyre triumfin në Kinë.

Kampioni në fuqi fitoi titullin e tij të pestë të njëpasnjëshëm në Kampionat evropian më 2006, duke fituar 6-2 në finale kundër Anglisë dhe selektorja Silvio Neid ka ftuar shumicën e futbollisteve të njëjta për garën e ardhshme. Skuadra ka 51 çmime ndërkombëtare mes vetes dhe vetëm katër prej 21 futbollistëve në skuadër – Lena Goessling, Almuth Schult, Verena Faisst dhe Alexandrra Popp – kurrë nuk kanë shijuar në ndonjë garë të rëndësishme. Ekipi i Neidit është pa dyshim favorit për të fituar sërish titullin.

Grupi A

Gjermania
Kanada
Nigeria
Franca

Grupi B

Japonia
Zelanda e Re
Meksika
Anglia

Grupi C

SHBA
Koreja
Kolumbia
Suedia

Grupi D

Brazili
Australia
Norvegjia
Guinea e Ekuatorit