Historike, një fitues kupe për herë të parë

Asnjë nga katër skuadrat pjesëmarrëse në Kupën e Shqipërisë nuk e ka fituar këtë trofe, madje 3 ekipe marrin pjesë për herë të parë edhe në gjysmëfinale. Historia është shkruar që këtu, por historike do të ishte edhe për Skënderbeun nëse fitonte trofeun e Kupës, pasi ka shkuar 4 herë në finale, por jo ta fitonte atë, më e freskëta një sezon më parë ndaj Tiranës, ku humbi 0-1. Duket se futbolli është zhvendosur nëpër rrethe, madje në rrethe të vogla, kur sheh një ekip debutues si Kukësi, që bëhet faktor në të dy kompeticionet. 
(a.k/E.Ilnica/BalkanWeb)