Holanda sjell pronarin e 12 kg heroinë
Ekstradohet nga Holanda
trafikanti i drogës, i cili kërkohej
nga policia shqiptare
në të gjithë botën prej afro dy
vitesh. Edison Zguri, i njohur edhe
me emrin Jorgo, kishte mundur t‘i
shpëtonte policisë, kur në gusht të
vitit 2007 u bllokuan 12 kg heroinë
dhe gjysmë kg kokainë, që ishin
destinuar për në Greqi. Policia e
Shtetit deklaroi se Interpol Tirana
e ekstradoi këtë person nga Holanda,
ku fshihej që prej arratisjes.
Sipas të dhënave të policisë, më 29
gusht të vitit 2007, rreth orës 11.30,
në Qafë-Thanë, forcat e policisë
së Drejtorisë së Policisë së Korçës
kanë organizuar një operacion
antidroge të koduar "Eagle-Al",
si rezultat i të cilit u bë i mundur
arrestimi i Altin Sotomenit. Gjatë
kontrollit në automjetin e poseduar
nga 34-vjeçari, tip "Toyota"
me targë NBE 5136, është gjetur
dhe sekuestruar një sasi prej 12 kg
e 714 gramë lënde narkotike, e cila
dyshohej të ishte e llojit heroinë,
si dhe 579 gramë lëndë narkotike
që dyshohej se ishte kokainë. Pas
analizave, të dy llojet e lëndëve
rezultuan narkotike. Sotomeni,
në momentin e arrestimit, ishte
nisur për në Greqi, ku edhe jetonte
si emigrant prej shumë
kohësh. Nga hetimet ka rezultuar
se destinacioni i lëndës narkotike
ishte po Greqia. Pasi janë arrestuar
në flagrancë shoferi dhe disa
bashkëpunëtorë të tjerë, Edison
Zguri është larguar jashtë territorit
shqiptar për t‘i shpëtuar prangosjes.
Gjykata e Shkallës së Parë
për Krime të Rënda, me vendim
penal nr. 230, datë 30 tetor 2007,
ka dhënë masën e sigurisë "arrest
me burg", për veprën penale të
"trafikimit të lëndëve narkotike".
Nga hetimet ka rezultuar se Zguri
është i pajisur me dokumente
greke, të cilat i ka përdorur për t‘u
arratisur para se ndaj tij të lëshohej
një urdhër arresti. Më pas, ai ka
udhëtuar drejt Holandës, ku është
kapur nga Interpoli për qëllim
ekstradimi.
trafikanti i drogës, i cili kërkohej
nga policia shqiptare
në të gjithë botën prej afro dy
vitesh. Edison Zguri, i njohur edhe
me emrin Jorgo, kishte mundur t‘i
shpëtonte policisë, kur në gusht të
vitit 2007 u bllokuan 12 kg heroinë
dhe gjysmë kg kokainë, që ishin
destinuar për në Greqi. Policia e
Shtetit deklaroi se Interpol Tirana
e ekstradoi këtë person nga Holanda,
ku fshihej që prej arratisjes.
Sipas të dhënave të policisë, më 29
gusht të vitit 2007, rreth orës 11.30,
në Qafë-Thanë, forcat e policisë
së Drejtorisë së Policisë së Korçës
kanë organizuar një operacion
antidroge të koduar "Eagle-Al",
si rezultat i të cilit u bë i mundur
arrestimi i Altin Sotomenit. Gjatë
kontrollit në automjetin e poseduar
nga 34-vjeçari, tip "Toyota"
me targë NBE 5136, është gjetur
dhe sekuestruar një sasi prej 12 kg
e 714 gramë lënde narkotike, e cila
dyshohej të ishte e llojit heroinë,
si dhe 579 gramë lëndë narkotike
që dyshohej se ishte kokainë. Pas
analizave, të dy llojet e lëndëve
rezultuan narkotike. Sotomeni,
në momentin e arrestimit, ishte
nisur për në Greqi, ku edhe jetonte
si emigrant prej shumë
kohësh. Nga hetimet ka rezultuar
se destinacioni i lëndës narkotike
ishte po Greqia. Pasi janë arrestuar
në flagrancë shoferi dhe disa
bashkëpunëtorë të tjerë, Edison
Zguri është larguar jashtë territorit
shqiptar për t‘i shpëtuar prangosjes.
Gjykata e Shkallës së Parë
për Krime të Rënda, me vendim
penal nr. 230, datë 30 tetor 2007,
ka dhënë masën e sigurisë "arrest
me burg", për veprën penale të
"trafikimit të lëndëve narkotike".
Nga hetimet ka rezultuar se Zguri
është i pajisur me dokumente
greke, të cilat i ka përdorur për t‘u
arratisur para se ndaj tij të lëshohej
një urdhër arresti. Më pas, ai ka
udhëtuar drejt Holandës, ku është
kapur nga Interpoli për qëllim
ekstradimi.