Homazhet per Astrit Mehja kryeministri Sali Berisha ngushellime familjes

Kryeministri, Sali Berisha zhvilloi homazhe në nder të ish-Gjeneralit të parë të Policisë së Shtetit, Astrit Mehja. I pranishëm në këtë ceremonial, i cili po zhvillohet në Drejtorinë e Përgjithshme të Policisë, kreu i qeverisë shprehu ngushillimet më të sinqerta për familjen Mehja.
“Mehja ishte një prej shërbëtorëve të shtetit, një drejtues i talentuar i Policisë. Dhimbje e ngushëllime për ndarjen e tij nga jeta. Përcjellim një prind shëmbullor, e qytetar të shkëlqyer. Edhe njëherë ngushillimet më të siqnerta familjes”, vlerësoi Berisha gjatë mesazhit të tij.
Gjenerali i parë i Policisë, Astrit Mehja u nda nga jeta në moshën 56 vjeçare.