Humbja e Bleones, hetimet perqendrohen tek dy vajzat

Policia e Kukesit nderpret kerkimet ne terren per vogelushen e zhdukur prej dates 21 maj te ketij viti ne malesine e Zapodit dhe hetimet perqendrohen tek deshmite e te afermve qe sipas eksperteve mund te dine ndonje histori te fshehte per kete ngjarje. Bleona Mata, 6-vjece, figuron e zhdukur pa gjurme, ndersa deshmitare jane halla e saj Alketa Mata qe eshte marre nen hetim nga Prokuroria e Krimeve te Renda dhe shoqja e saj 22-vjecare, te dyja banuese ne fshatin Zapod te Kukesit. Policia tha se Alketa Mata dhe Gentiana Manga do te jene nen hetim deri ne zbulimin e vogelushes, pasi ato kane qene ne mal se bashku me te mituren diten qe ndodhi humbja. Dy shoqet mendohet se kane dhene deshmi kontradiktore ne familje dhe ne polici, kurse hetuesit mendojne se fshehin dicka qe mund te coje ne gjetjen e te mitures. Halla ka deshmuar se Bleona humbi teksa ajo po kujdesej per bagetite e shperndara dhe kur ishte kthyer nuk gjeti trupin, por vetem xhupat. Veprimet e fundit hetimore, shoqerimi i halles dhe shoqes se saj e dergimi ne Tirane jane kryer pasi familjaret kembengulen se dy vajzat duhet te dine dicka rreth zhdukjes dhe madje fshehin te verteten. Prej nje jave Interpol Tirana ka bere shpalljen ne kerkim nderkombetar te vogelushes, por ende nuk ka asnje informacion apo gjurme te saj.