I denuar per droge, kapet per falsifikim

KAKAVIJE - Nje 40-vjecar i denuar ne mungese dhe i kerkuar per falsifikim eshte arrestuar ne piken kufitare te Kakavijes nga policia, pas shtimit te masave te kontrollit per emigrantet qe kthehen nga Greqia. Burime zyrtare te policise se Gjirokastres thane dje se ndaluan 40-vjecarin Kastriot Memlika, nga Saranda, i denuar me pare dhe per droge, i cili kthehej ne Shqiperi per festat e fundvitit. Gjate verifikimeve te kryera ne sistemin kompjuterik eshte zbuluar se Memlika kerkohej per vepren penale te falsifikimit te leternjoftimeve, pasaportave dhe vizave, ndersa ishte denuar ne mungese me 6 muaj burg, ne fillim te ketij viti. Mesohet se 40-vjecari kishte vuajtur me pare denimin me 9 muaj burg per "trafik te lendeve narkotike". Sipas zedhenesit te policise, Gentian Mullai, sherbimet e policise kufitare, krahas punes per perballimin e fluksit te emigranteve, e kane perqendruar vemendjen edhe ne evidentimin dhe kapjen e personave te shpallur ne kerkim.