Tenton vetehelmimin me ilacet e te fejuarit
Nje 18-vjecare tenton t'i jape fund jetes duke kaperdire ilacet qe perdorte i fejuari i saj per kurim. Erisa B., eshte derguar ne gjendje te rende shendetesore ne spitalin e Fierit nga prinderit e saj. Ngjarja ka ndodhur oret e para te mengjesit te djeshem ne lagjen "Kryengritja e Fierit", kurse shkaku i ketij akti mendohet te kete qene depresioni i momentit i vajzes. Burime policore thane se 18-vjecarja eshte derguar ne spital rreth ores 00:10, ndersa eshte futur menjehere ne reanimacion, ku i eshte bere nje terapi intensive per ta mbajtur ne jete. Mjeku toksikolog, Kilo Stoja, i repartit patologjik, ka kryer nderhyrjen duke kryer terapine me serume e lavash stomaku. Per kater ore me radhe, mjeket kane luftuar per te mbajtur ne jete te rene, qe kishte kaluar ne gjendje koma kur e kane gjetur familjaret ne banese. Sipas mjekeve dhe hetuesve, mesohet se 18-vjecarja kishte pire nje doze te madhe medikamentesh, qe i fejuari i saj merrte per qetesim nervash. Ende nuk jane zbardhur motivet e veprimit te ndermarre prej vajzes, e cila mbahet ne sallen e reanimacionit te repartit kirurgjikal te spitalit rajonal Fier. Familjaret nuk kane ditur te shpjegojne aktin e Erises, ndersa pritet permiresimi i gjendjes shendetesore te saj per te mesuar rrethanat dhe shkaqet qe e shtyne ne tentativen per veteflijim.
Xh. Beharaj