I mungon Cassano
Futbollisti i Milanit, Zlatan Ibrahimovic e pranon se i mungon kolegu i repartit, Antonio Cassano.
Sulmuesi suedez e mirëpret argjentinasin e Manchester Cityt, Carlos Tevez, të cilin e konsideron lojtar të madh, por thotë se sulmuesi italian, i operuar në zemër muaj më parë, është i pazëvendësueshëm.
“Për mua, Tevez është lojtar i madh. Ai do na shtonte kualitetin në ekip, por unë ende jam duke e pritur Cassanon. Më mungon shumë në fushë. Ne luajmë komplet ndryshe pa të dhe unë duhet të bëj më shumë sakrifica. Ai është i pazëvendësueshëm, ndryshe nga të tjerët”, deklaroi Ibra.