I pushoi gruan nga puna, rreh drejtorin e KESH-it

Erseke- I pushojne gruan nga puna si faturuese, hakmerret ndaj drejtorit te deges se KESH-it ne Erseke. D. Muco, zyrtar i larte ne kete rreth ka denoncuar per agresion te dyshuarin A. Jace, 39 vjec, banues ne fshatin Starje. Policia vuri ne pranga te dyshuarin duke ngritur akuzat e "goditjes per shkak te detyres" dhe "fyerje per shkak te detyres". Ne baze te hetimeve policore te kryera pas denoncimit rezulton se Jace, kur ka mesuar se bashkeshorten e tij, e kishin larguar nga detyra e futuristes per pune te dobet, i ka shkuar ne zyre kreut te deges se KESH-it ne kete rreth duke e kercenuar, fyer dhe me pas gjate debatit e ka goditur me grushte. Zyrtari eshte perpjekur te mbrohet dhe t'i shpetoje sulmit agresiv, ndersa pak minuta me vone kerkoi dhe ndihmen e forcave te policise vendore. Menjehere 39-vjecarit i jane vene prangat ne flagrance dhe komunikuar akuza, ndersa gjate deshmise se dhene, i dyshuari ka sqaruar edhe shkaqet perse ndermori kete akt kriminal. Ai e ka quajtur te padrejte pushimin e bashkeshortes nga detyra e futuristes, duke akuzuar per kete veprim drejtorin Muco. Pas veprimeve te kryera policia vendore ia kaloi per hetime te metejshme dosjen, Prokurorise se Korces per dy akuzat e ngritura.