ILDKP, padi per 16 zyrtare, fshehen pasurine Rozeta Rapushi

Inspektorati i Larte i Deklarimit dhe Kontrollit te Pasurive (ILDKP) ka depozituar ne Prokurorine e Pergjithshme kerkesen per 16 procedime penale per zyrtaret qe fshehin apo mashtrojne me pasurine. Ne raportin per vitin 2011 te ketij institucioni, te dorezuar ne Kuvend, thuhet se 16 zyrtare jane paditur, pasi 5 prej tyre refuzuan te deklarojne pasurine dhe 11 e fshehen ate. “Sipas nje informacioni statistikor, nga prokurorite e rretheve gjyqesore, per vitin 2011 jane regjistruar 16 procedime penale, jane perfunduar 12 dhe jane ne fazen e hetimeve paraprake 4 te tjera”, - thuhet ne raport. Ne te saktesohet se nga 5 rastet e kallezuara per deklarim te rreme apo fshehje pasurie, parashikuar, per 4 prej tyre, organi i prokurorise ka vendosur pushimin e procedimit penal. Veprim ky qe ka sjelle reagimin e institucionit qe eshte ankuar ne Gjykate. Nuk kane munguar gjate vitit 2011, edhe rastet e konfliktit te interesave nga administrata publike. Gjate vitit te kaluar, Inspektorati ka administruar 5330 deklarata te interesave private dhe ka kryer kontrollin per 4800 formulare. Nga ky kontroll, rezulton se 116 zyrtare, kane kaluar ne kontroll te imtesishem per shkak te mosperputhjes mes aseteve te krijuara dhe burimit financiar te tyre. Me konkretisht gjate hetimeve, ILDKP, vlereson si raste specifike se eshte konstatuar se ne kundershtim me kerkesat e ligjit se ka aplikuar dhe ka perfituar prej fondit te mbeshtetjes financiare per ndertim te 6 ha vresht ne Leskovik shumen 3.000.000 leke, bashkeshortja e nje zyrtari te larte, duke u denuar me gjobe. Po keshtu, nje nepunes i Ministrise se Mjedisit eshte denuar me gjobe ne shumen 300.000 leke, per shkak se kishte vepruar ne kushtet e konfliktit te interesave, duke marre pjese ne procesin e vendimmarrjes per leshimin e lejes mjedisore per ndertimin e nje guroreje, ku kishte interes te drejtperdrejte babai i tij. “Nga hetimi administrativ i ILDKP, rezultoi se leja mjedisore ishte dhene gjithashtu ne kundershtim flagrant me ligjin, duke qene se zona per shfrytezim ishte brenda nje parku kombetar. Ne bashkepunim me Ministrine e Mjedisit u realizua anulimi i lejes mjedisore”, - theksohet ne raport. Nje tjeter zyrtar, me detyre Sekretar i Pergjithshem eshte gjobitur ne shumen 200.000 leke per shkak te konstatimit te konfliktit te interesave ne ushtrimin e funksionit publik, duke qene se njeherazi me detyren publike ka ushtruar veprimtari private si ekspert vleresues. “ILDKP ka vendosur masen administrative ‘gjobe’ per 3 zyrtare, te cilet, pas kryerjes se verifikimeve dhe mbledhjes se dokumentacionit perkates, rezultuan qe nuk e kane shmangur konfliktin e interesave brenda afatit te percaktuar dhe sipas parashikimeve ligjore. Keta zyrtare, ndaj te cileve u mor masa administrative, jane punonjes te administrates tatimore dhe drejtues te pushtetit vendor”, - vijon raporti. Per rrjedhoje, ILDKP ka kerkuar ndryshimin e akteve nenligjore dhe rregulloreve te brendshme te institucioneve, me qellim parashikimin e situatave ne konflikt interesi dhe shmangien e tyre.

Inspektorati i Larte i Deklarimit dhe Kontrollit te Pasurive ka administruar gjate vitit 2011 rreth 5330 deklarata te interesave private.

Inspektorati i Larte ka kryer kontrollin aritmetiko-logjik per te gjitha deklaratat e dorezuara gjate vitit 2011, ne nje total prej rreth 4800 formulare.

Nga ky numer i pergjithshem, 116 subjekte kane kaluar ne kontroll te plote per shkak te mosperputhjes mes aseteve te krijuara dhe burimit financiar te tyre.

16 zyrtare jane paditur ne prokurori per procedim penal.

5 zyrtare refuzuan te deklarojne pasurine ne baze te ligjeve ne fuqi.

11 fshehen pasurine e tyre ne kundershtim me ligjin.