INSTAT – Maqedonia e para në rajon për tregtinë e jashtme me vendin tonë

Maqedonia mban vendin e parë në tregtinë e jashtme të vendit tonë me vendet e rajonit, sipas burimeve zyrtare të Institutit të Statistikave (INSTAT). Burime zyrtare nga INSTAT bëjnë të ditur se gjatë vitit 2008, në treguesin e importit Maqedonia realizoi shifrën e 9,676 miliadë lekë, e ndjekur nga Kroacia me 4,368 miliardë lekë, ndërsa për eksportin Maqedonia kapi shifrën e 3,223 miliardë lekë, ndëra Kroacia shifrën e 188 milionë lekë. Sipas të njëjtave burime, para një viti, Maqedonia përsëri ishte në vend të pare me 7,293 miliardë lekë importe, ndërsa Kroacia me 3,666 miliardë lekë, ndërsa për eksportet Maqedonia kapte shifrën e 2,199 miliardë lekë, ndërsa Kroacia shifrën e 89 milionë lekëve.