INSTAT ben matjen e varferise, projekti merr cmim

Instituti i Statistikave, INSTAT do te beje se shpejti publik studimin me te fundit mbi nivelin e varferise ne vendin tone. Burime nga ky institucion bene te ditur dje se ky studim eshte kryer ne bashkepunim me Banken Boterore dhe PNUD-in. Ne kete publikim te ri te INSTAT, do te jene te perfshira te dhena statistikore qe jane mbledhur nga anketimet dhe vezhgimet e ndryshme qe kane realizuar specialistet e ketij sektori, gjate vitit 2008. Sipas INSTAT, vend te rendesishem ne kete studim do te zene kapitujt , zhvillimi, varferia dhe pabarazia, produktiviteti rural dhe urban, migracioni, programe ne mbeshtetje te shtresave ne nevoje, ndihma ekonomike dhe rritja e prodhimit ekonomik etj. Studimi mbi nivelin e varferise ne vendin tone eshte nje botim periodik qe INSTAT e realizon ne bashkepunim me donatoret e huaj. Por nga ana tjeter Vleresimi Programatik i Varferise ne Shqiperi", i realizuar nga INSTAT eshte vleresuar si nje nga 13 projektet fitues ne konkursin nderkombetar te organizuar nga Banka Boterore "Per permiresimin e jetes se njerezve ne vendet e Evropes dhe Azise Qendrore". INSTAT ka marre kete cmim per realizimin e Anketes se Matjes se Nivelit te Jeteses, si dhe per forcimin e kapaciteteve te stafit ne Bashkepunim me Banken Boterore. Perfaqesuesi i Bankes Boterore, Andrew Dabalen u shpreh se "Ky cmim eshte i rendesishem per INSTAT pasi ne kete konkurrim kane marre pjese shume vende me te cilat Banka Boterore ka bashkepunuar, dhe nder to eshte perzgjedhur Shqiperia e perfaqesuar nga INSTAT". Ky cmim, vijoi ai, ka te beje dhe me permiresimin e kapaciteteve te INSTAT per matjen e nivelit te varferise nepermjet anketave qe ai realizon. Drejtoresha e INSTAT, Ines Nurja u shpreh se, ky cmim eshte nje stimul per kete institucion, i cili do te sherbeje per te rritur me tej cilesine e punes. "Kjo eksperience me Banken Boterore sherbeu per te vene ne dukje potencialin qe perfaqeson stafi i INSTAT dhe ne te njejten kohe na ve ne pozite per t'u permiresuar me tej"-tha ajo.

Cmimi

"Vleresimi Programatik i Varferise ne Shqiperi", i realizuar nga INSTAT eshte vleresuar si nje nga 13 projektet fitues ne konkursin nderkombetar te organizuar nga Banka Boterore "Per permiresimin e jetes se njerezve ne vendet e Evropes dhe Azise Qendrore".