INSTAT: Çmimet po ulen, qytetarët ankohen përsëri
Niveli i përgjithshëm i çmimeve në treg gjatë majit ka shënuar një ulje të lehtë krahasuar me një muaj më parë. Sipas të dhënave më të fundit zyrtare nga Instituti i Statistikave, inflacioni vjetor për muajin e kaluar arriti në 4.2 për qind, nga 4.4 për qind që ishte në muajin prill. Në treg është vënë re ulje e çmimeve për disa produkte, kryesisht ushqimore. Sipas INSTAT-it uljen më të madhe të çmimeve në treg për majin e kanë pasur disa artikuj ushqimorë. Indeksi i grupit "Ushqime dhe pije joalkoolike" ka shënuar një ulje prej 2.7 përqindësh. Por ka pasur edhe disa produkte të tjera ushqimore çmimi i të cilave ka vijuar të rritet. Kështu çmimi i bukës dhe drithërave është rritur me 1.2 për qind, peshkut 0.1 për qind, mishit 0.1 për qind, frutave 0.1 për qind etj. Por disa ekspertë kanë dyshime nëse norma aktuale e inflacionit paraqet rritjen reale të çmimeve në treg për shkak të ndryshimit të shportës në fillim të këtij viti. Këto dyshime u konfirmuan në një farë mënyre nga Banka e Shqipërisë, e cila në një raport të fundit thotë se nëse inflacioni do të ishte matur me shportën e mëparshme, norma e tij do të ishte më e madhe se sa kjo që është aktualisht. "Mesatarja e ndryshimit ndërmjet matjeve për periudhën 2004-2007 është rreth 0.5 pikë përqindjeje, gjë që tregon se prezantimi i shportës së re e ka ulur inflacionin e kaluar mesatarisht me 0.5 pikë përqindjeje", thotë Banka e Shqipërisë. Kjo do të thotë se rritja e çmimeve që raportohet aktualisht është 0.5 pikë përqindje më e ulet nga sa ishte me shportën e parë.
Çmime të larta
Por pavarësisht tendencës në rënie, krahasuar me një vit më parë, qytetarët po paguajnë çmime dukshëm më të larta. Sipas INSTAT-it, krahasuar me të njëjtën periudhë të vitit të kaluar, inflacioni është tre herë më i lartë. Në maj të vitit të kaluar niveli i inflacionit në vend ishte vetëm 1.4 për qind. Specialistët thonë se as futja masive e prodhimit vendas nuk ka mundur ta rikthejë atë në nivelet e vitit të kaluar dhe brenda kufijve të synuar të Bankës së Shqipërisë. Në fakt, parashikimet janë që niveli i çmimeve në treg të mbetet në këto kufij përgjatë gjithë vitit 2009. Sipas Fondit Monetar Ndërkombëtar, norma prej 4.2 përqindësh do të jetë dhe mesatarja e inflacionit në Shqipëri gjatë këtij viti.
Energjia
Edhe çmimet e energjisë vazhdojnë tendencën e pandalshme rritëse. Sipas INSTAT-it, gjatë muajit maj, çmimi i naftës shënoi një rritje prej 6.1 përqindësh, ndërsa ai i benzinës u rrit me 4.3 për qind. Kjo ka bërë që shërbimet e transportit ndërurban për qytetarët të shtrenjtohen më tej, duke u rritur gjatë këtij muaji me 2.3 për qind. Çmimet e karburanteve janë kthyer tashmë në një shqetësim për të gjithë ekspertët e ekonomisë. Shqipëria është një vend, që importon pjesën më të madhe të nevojave të saj për karburante, duke qenë e ekspozuar ndaj rritjes së çmimeve në tregjet botërore.
Çmime të larta
Por pavarësisht tendencës në rënie, krahasuar me një vit më parë, qytetarët po paguajnë çmime dukshëm më të larta. Sipas INSTAT-it, krahasuar me të njëjtën periudhë të vitit të kaluar, inflacioni është tre herë më i lartë. Në maj të vitit të kaluar niveli i inflacionit në vend ishte vetëm 1.4 për qind. Specialistët thonë se as futja masive e prodhimit vendas nuk ka mundur ta rikthejë atë në nivelet e vitit të kaluar dhe brenda kufijve të synuar të Bankës së Shqipërisë. Në fakt, parashikimet janë që niveli i çmimeve në treg të mbetet në këto kufij përgjatë gjithë vitit 2009. Sipas Fondit Monetar Ndërkombëtar, norma prej 4.2 përqindësh do të jetë dhe mesatarja e inflacionit në Shqipëri gjatë këtij viti.
Energjia
Edhe çmimet e energjisë vazhdojnë tendencën e pandalshme rritëse. Sipas INSTAT-it, gjatë muajit maj, çmimi i naftës shënoi një rritje prej 6.1 përqindësh, ndërsa ai i benzinës u rrit me 4.3 për qind. Kjo ka bërë që shërbimet e transportit ndërurban për qytetarët të shtrenjtohen më tej, duke u rritur gjatë këtij muaji me 2.3 për qind. Çmimet e karburanteve janë kthyer tashmë në një shqetësim për të gjithë ekspertët e ekonomisë. Shqipëria është një vend, që importon pjesën më të madhe të nevojave të saj për karburante, duke qenë e ekspozuar ndaj rritjes së çmimeve në tregjet botërore.