ISHP, ndalon konsumin e ujit te puseve ne Vore
Sonila Isaku
Uji i puseve te hapura nga vete banoret e zones se Vores dhe Gerdecit nuk duhet te perdoret per konsum per vete faktin se jane jashte kushteve higjieno-sanitare. Specialistet e Institutit te Shendetit Publik, te cilet prej tri ditesh jane duke kryer keto monitorime, kane konstatuar mungese te kushteve ne keto puse, pasi ishin ne nje thellesi vetem prej shtate metrash. Nderkohe qe edhe sasia e baktereve ne to ishte e madhe si dhe mbulesat e perdorura per keto puse ishin jo te rregullta. "Nje pjese e puseve eshte afer burimeve ndotese, dhe ne keto kushte uji eshte i pasigurt edhe me rrezik te larte per shendetin publik", pohuan Specialistet e Institutit te Shendetit. Sipas tyre, uji i puseve perdorej nga banoret e zones per larje te eneve, frutave dhe perimeve, si dhe per higjiene vetjake. Ne disa raste uji perdorej per pirje.
Monitorimi
Specialistet e ISHP-se prej tri ditsh jane duke kryer monitorimin e dhe kontrollin e ujit te pijshem ne te gjithe zonen e Vores, per te pare nese ka permbajtje te barutit. Monitorimet e para te bera ne rrjetin e kanalizimeve te ujesjellesit, kane treguar se uji ne zonen e Gerdecit dhe te vatrave perreth shperthimit nuk paraqet rrezikshmeri per popullaten, pasi ne te nuk ka rezultuar te kete prezence te mbetjeve toksike. Megjithate, per te shmangur cdo komplikacion te mundshem, ka vijuar edhe gjate dites se djeshme shtimi i sasise se klorit ne uje, per te garantuar shendetin e popullates nga rreziku u kontaminimit te infeksioneve apo semundjeve te ndryshme qe vijne si pasoje e shperthimit. Ndersa uji i puseve ka rezultuar me ndotes te larte, dhe per kete arsye eshte dhene urdhri per moskonsumim te tij. Vleresimi kimik dhe mikrobiologjik i ujit te pijshem do te vijoje te kryhet ne menyre intensive per te shmangur te gjitha problemet qe rrezikojne shendetin e banoreve nga mbetja e elementeve ndotese ne ambient.
Ujesjellesi
Ekspertiza higjieno-sanitare e kryer ne ujesjellesin e qytetit te Vores, me rreth 4 mije banore, tregoi se ky qytet furnizohet me burme ujore te vendosura ne zonen Gjec-Fushe ne distance rreth 4-5 km nga depo. "Tubacioni, linja e jashtme e ujesjellesit, gjate rruges per ne depo ka nderhyrje te rregullta nga ku furnizohen banoret ne afersi te tij. Dhe inspektimi i kryera nga ana jone ne kete segment ujesjellesi, nuk tregoi per demtime te rrjetit nga presionet e vales goditese te ngjarjes se Gerdecit", pohuan specialistet e Institutit te Shendetit Publik. Sipas tyre, analizat treguan se nje pjese e banoreve ne fshatra si Zharga marrin uje te paklorinuar, pasi lidha e tubacioneve eshte bere direkt nga depot e ujit.
Ajri
Te njejtat monitorime jane kryer nga specialistet e ISHP-se per te matur edhe cilesine e ajrit. Rezultatet pas analizave te para treguan se cilesia e tij eshte brenda normave te lejuara. "Mostrat e marra nga ana jone kane qene shume prane zones se shperthimit ne pjesen jugore te saj. Analizat e tyre treguan se cilesia e ajrit eshte ne zonen e fshatit te Gerdecit, flasin per gjendje brenda normave te lejuara ne vendin tone", deklaruan specialistet e Institutit te Shendetit Publik. Nderkohe qe analiza te tjera do te kryhen dhe gjate diteve ne vazhdim si per cilesine e ujit edhe ate te ajrit. Nderkohe qe ka nisur nje pjese e dezinfektimit te zones, ku predhat nuk jane te pranishme.