Pacientet ne situate te veshtire psikologjike

Sonila Isaku
Pacientet e aksidentuar nga shperthimi ne Gerdec, pervec plageve te marra, tashme jane duke kaluar nje gjendje te rende psikologjike. Skenat e para, humbja e te afermve, prishja dhe shkaterrimi i shtepive, kane ndikuar negativisht ne shendetin e tyre. Sipas mjekeve dhe psikologeve, te cilet po merren aktualisht me trajtimin e tyre, rezulton se traumat psikologjike jane te renda, sa shpeshhere perballen edhe me gjendje shoku psikologjik. "Pacientet e shtruar po perballojne nje situate te veshtire edhe nga ana psikologjike. Ata, vec plageve te marra, kane humbur edhe te afermit e tyre. Per kete arsye, nje kujdes i vecante po i kushtohet edhe sherbimit psikologjik", ka theksuar ministri i Shendetesise, Nard Ndoka. Sipas tij, edhe mjeket jane duke dhene nje perkujdesje maksimale, pavaresisht ngarkeses se punes gjate diteve te fundit. Vetem nje dite pas ndodhjes se tragjedise, psikologu Edmond Dragoti pohoi, per "KJ", se femijet dhe personat e lenduar nga kjo tragjedi do ta kene te veshtire te kalojne shokun psikologjik.
Pacientet
Rreth 45 paciente po kurohen ne dy spitalet kryesore te kryeqytetit. Sipas te dhenave, rezulton se ne repartin e djegie-plastikes jane 22 paciente, prej te cileve 7 ne reanimacion ne gjendje te rende. Por, sipas mjekeve dhe ministrit te Shendetesise, nuk eshte e nevojshme transportimi i tyre jashte vendit, pasi mjeket shqiptare mund te perballojne kurimin e tyre. "Ka paciente qe kane probleme me djegiet, por nuk jane ne rrezik per jeten", konfirmoi Ndoka. Ndersa shefi i pavijonit te djegie-plastikes, Gjergji Belba, ka deklaruar se gjendja e te 22 personave paraqitet jashte rrezikut per jeten, por ende me probleme nga djegiet. "Nga 7 pacientet qe jane ne reanimacion, tre prej tyre kane probleme me te renda shendetesore se te tjeret, pasi ka filluar t'u ngrihet temperatura nga plaget", ka thene Belba. Nderkohe qe ne Spitalin Ushtarak jane duke u kuruar 23 paciente, kurse ne ate te Durresit nuk ka asnje pacient te shtruar nga tragjedia e Gerdecit. Gjate ketyre diteve, 22 paciente jane derguar ne vendet fqinje per te marre nje kurim, ku 16 prej tyre po trajtohen ne Itali dhe 6 ne Greqi.
Te rrezikuarit
Raportimet e bera nga vendet fqinje per pacientet, te cilet po kurohen jashte, tregojne se dy prej tyre jane ne gjendje te rende shendetesore. Nderkohe qe, pjesa tjeter ka pasur permiresime te shendetit dhe plageve te marra. "Jemi informuar se dy prej pacienteve jane ne gjendje te rende shendetesore. Po mbajme kontakte te vazhdueshme me autoritetet italiane", ka thene Ndoka. Sipas tij, deri tani nga te dhenat e mjekeve nuk mendohet te transportohet ndonje pacient per kurim ne vendet fqinje. Ato po marrin sherbimin e duhur mjekesor.
MSH, 57 psikologe ne ndihme te pacienteve
Ministria e Shendetesise ka marre vendimin per te derguar 57 psikologe ne spitale dhe ne fshatin Gerdec, ku ka ndodhur tragjedia. Per t'u ardhur ne ndihme banoreve, pervec psikologeve, kane qene edhe personeli i qendrave shendetesore, eksperte te OBSH ne shendetin mendor. Pas urdhrit qe Kryeministri Berisha i ka dhene ministrit te Shendetesise, ky i fundit ka ngritur shtabin e sigurise dhe ka marre te gjitha masat per sigurimin e ketyre punonjesve sociale. Nga ana tjeter edhe Ministria e Arsimit do te siguroje nje numer te madh punonjesish sociale per shkollat e zones se Vores.