Ibra i sigurt: Nje dite do ta fitoj Topin e Arte

Zlatan Ibrahimovic nuk ka asnje dyshim: "Topi i Arte" se shpejti do te jete ne duart e tij. "Une kam lindur per ta fituar kete trofe", tha sulmuesi i Interit per "L‘Equipe".

"Megjithate, qe ‘Topi i Arte‘ te behet i imi, me pare duhet te fitoj Championsin". Kandidate kryesore per kete vit jane Kristiano Ronaldo dhe Lionel Mesi.

Ibra nuk ka dyshime dhe mbeshtet mesfushorin portugez te Mancester Junajted: "Edhe pse nuk beri nje paraqitje te mire ne Kampionatin Evropian, trofeun do t‘ia jepja Ronaldos. Nese do te merrnim ne konsiderate vetem Euro 2008, atehere fitues do te shpallej pa asnje dyshim Iker Kasiljas".

Me pasaporte suedeze, por me origjine sllave (e ema eshte kroate, ndersa babai boshnjak), Ibrahimovic shton se "nuk e ndjen te nevojshme te jete italian apo brazilian, per te qene ne lartesine e lojtareve si Kaka ose Ronaldinjo".