Iken Kllogjri i LSI-se
ELBASAN-Shkarkohet nga detyra kryetari i Keshillit Bashkiak te Elbasanit, njeheresh kryetar i LSI, Bujar Kllogjri, me 24 vota pro dhe 18 kunder. Motivacioni i shkarkimit ka qene per "moszbatim te vendimeve te Keshillit Bashkiak". Ne vend te tij eshte zgjedhur Blendi Himci anetar i kryesise se PD-se, kryetar i grupit te keshilltareve te PD. Ne garen per kryetar te Keshillit Bashkiak eshte futur edhe Luan Kasa. Ne fund te votimeve kane rezultuar 24 vota pro Blendi Himcit, 5 per Luan Kasen dhe 10 vota kane qene te pavlefshme. Mocioni per shkarkimin e ish kryetarit te Keshillit Bashkiak te Elbasanit u ndermor nga nje grup keshilltaresh te djathte. Keshilltaret e PD e kane akuzuar Kllogjrin se nuk ka zbatuar vendimet e keshillit bashkiak. Nderkohe keshilltaret e majte kane bere oponence duke mbrojtur Kllogjrin. Realisht shkak per shkarkimin eshte bere moszbatimi i vendimit per hapjen e sheshit kryesor te ketij qyteti i cili prej disa kohesh eshte kthyer ne molle sherri mes deputetit Aurel Bylykbashi dhe kryetarit te bashkise Qazim Sejdini. Zvarritja e zbatimit te vendimeve u pasua me "hakmarrje" ndaj kryetarit te Keshillit Bashkiak Bujar Kllogjri i cili pas zgjedhjeve lokale e fitoi kete post me mbeshtetjen e keshilltareve te djathte. Keshilli Bashkiak i Elbasanit eshte i perbere nga 45 anetare. 23 prej tyre i perkasin mazhorances dhe 22 minorances. Pas shkarkimit ish kryetari Bujar Kllogjri eshte shprehur se "ky ishte nje peticion dhe vendim politik i ndermarr nga grupi i djathte. Ata qe me zgjodhen dikur duhet te jene me burra dhe te marrin vendime te pandikuara", ka deklaruar Bujar Kllogjri. F.Salliu