"Im bir nuk u vetevra, por e vrane"

Nje nene 60-vjecare akuzon prokurorine se nuk nis hetimet per vdekjen e dyshimte te djalit te saj, dy vjet me pare, ne Laprake te Tiranes. Mira Dushi pretendon se organi i akuzes nuk merr parasysh denoncimin e saj per dyshimet rreth bashkeshortes se djalit dhe vellezerve te saj, te cilet i cileson si autore te vrasjes se 31-vjecarit Rudolf Dushi, me 6 mars te vitit 2006. Policia ka deklaruar ngjarjen e ndodhur si nje vetevrasje, por 60- vjecarja hedh dyshime se behet fjale per nje vrasje te organizuar nga gruaja e djalit te saj. "Prej dy vitesh, tentoj te bej nje kallezim ne Prokurorine e Tiranes, por me eshte mohuar here pas here. Po keshtu, edhe ne polici nuk me kane pranuar", thote Mira per gazeten "Koha Jone". Ajo shprehet e bindur se ne ngjarje ka dore Kate Gjonpali, bashkeshortja e djalit dhe njerezit e saj, ndersa cifti nga martesa ka pasur dhe nje vajze. "Nuk besoj se im bir, Rudolfi, eshte vetevrare, duke perdorur droge, ndaj per te shmangur gjakmarrjen kerkoj qe ceshtja te hetohet", thote Mira. E moshuara pretendon se 31-vjecari eshte gjetur i vdekur ne banesen e gruas, me te cilen jetonte ne Laprake. Ajo apelon per drejtesi, per te shmangur hakmarrjen, duke kerkuar qe ceshtja te hetohet. Dyshimet 60-vjecarja i perforcon me faktin se kur ka shkuar ne morg nuk gjendeshin vellezerit e gruas, qe bashkejetonte me te birin e saj, qe edhe telefonat i kishin pasur te fikur. "Im bir kishte konflikte prej dy muajsh me vellezerit e Kates, sepse nuk ishin dakord me bashkejetesen. Une kam denoncuar Gjin Gjonpali dhe Ndoc Gjonpali, si personat pergjegjes te vrasjes se djalit tim, por prokuroria nuk ka pranuar te marre denoncimin", thote e moshuara.
A.Bushi
Prokuroria: "Dosja nen hetim"
Lidhur me ngjarjen e 6 marsit te vitit 2006, ne Laprake te Tiranes, mesojme gjate interesimit ne Prokurori se dosja eshte ende e hapur dhe nen hetim. Te pyetur nga gazeta "KJ", zyrtare te institucionit te akuzes thane se Mira Dushi duhet te interesohet per ceshtjen ne organ dhe jo te perpiqet te kryeje kallezim, pasi dosja eshte ende nen hetim dhe ne proces e siper per kryerjen e analizave e ekspertizes perfundimtare. Ata shpjeguan se nuk ka nevoje per nje denoncim dhe se te gjitha dokumentacionet e pretendimet gjenden ne dosje.