Topi largon dhe ambasadorin jo rezident nga Sllovenia
Presidenti i Republikes, Bamir Topi, liron nga detyra ambasadorin e Jashtezakonshem jo rezident te Shqiperise ne Slloveni, Valter Ibrahimi. Dekreti i kreut te shtetit, qe i perket dates 11 janar 2008, vjen ne nje kohe kur Sllovenia ka drejtimin e radhes se prezences se OSBE-se e prania diplomatike e vendit tone do te ishte e nevojshme ne kete vend. Por, pavaresisht ketij fakti, me dekretin nr. 5572, i cili nuk eshte bere ende publik ne faqen zyrtare te internetit te Presidences, por qe eshte botuar ne Fletoren Zyrtare, Topi ka firmosur lirimin e ambasadorit. Pa dekretuar nje emer te ri te diplomatit ne kete vend. "Zoti Valter Brahimi, ambasador i Jashtezakonshem dhe Fuqiplote i Republikes se Shqiperise, rezident ne Republiken e Austrise, lirohet nga detyra e ambasadorit te Jashtezakonshem dhe Fuqiplote te Republikes se Shqiperise, ne Republiken e Sllovenise, jo rezident", thuhet ne dekretin qe hyn ne fuqi menjehere. Per pasoje, ne Slloveni Shqiperia nuk perfaqesohet ne rang diplomati, pavaresisht faktit te rendesishem se ky vend per gjashte muajt e pare te vitit ka drejtimin e BE-se.
Aktualisht ne Ministrine e Jashtme po diskutohet qe vendi yne te kete nje ambasador rezident ne Slloveni, por hapa konkrete nuk ka. Deri me sot, eshte diskutuar emri i Gazmend Barbullushit si perfaqesuesi i Ministrise se Jashtme, i cili, sipas burimeve zyrtare te dikasterit te diplomacise shqiptare, do te dergohet ne Slloveni per te hapur ambasaden tone atje. Dhe vetem pas dergimit te tij, qe do te merret me organizimin e punes dhe stafin, do te mendohet per nje ambasador rezident edhe ne kete vend. Por keto procedura kerkojne kohe. Emri i Barbullushit pritet te zyrtarizohet ne fillim te muajit shkurt. Ai duhet te kaloje te gjitha procedurat parlamentare si dhe proven per te marre mbeshtetjen e Presidentit Bamir Topi apo jo per te qene te pakten i komanduar ne kete pozicion. Vetem pas perfundimit te ketyre procedurave do te mund te realizohet plotesimi edhe me diplomate ne Slloveni. Duke qene se procedurat minimalisht kerkojne 2 muaj kohe, Shqiperia rrezikon te mos kete perfaqesi diplomatike ne Slloveni gjate kohes qe ky vend te jete ne krye te Presidences se BE.
R.Rapushi