Imami: Grup negociator per "kufirin"

Rozeta Rapushi
Nje grup i ri pune, do te rinegocioje me shtetin fqinj Greqine, per marreveshjen per kufijte detare. Ministri i Mbrojtjes, Arben Imami, tha dje se pavaresisht se Gjykata Kushtetuese rrezoi si antikushtetuese marreveshjen detare me Greqine, Shqiperia do te rinegocioje. "Per marreveshjen nderkombetare per kufijte detare me Greqine, qeveria eshte nje aktor ashtu sikurse jane aktore Presidenti, Parlamenti, Gjykata Kushtetuese dhe ne kete rast kur flet gjykata te tjeret heshtin", tha Imami pas mbledhjes se Komisionit Parlamentar te Sigurise, ku u diskutua mbi blerjen e pese helikoptereve te rinj. Ai konfirmoi se shume shpejt, do te ngrihet dhe nje grup i ri negociator per koordinatat e reja me shtetin helen. "Do te shohim cfare eshte pjese formale dhe cfare nuk eshte pjese formale dhe pastaj mbi bazen e detyrave qe do te ngrihen per nje grup te ri apo per cfaredolloj rinegocimi ne do te mundohemi te plotesojme detyrat tona", u shpreh Ministri. Marreveshja detare mes Shqiperise dhe Greqise, u rrezua pak dite me pare nga Gjykata Kushtetuese me nente vota pro dhe asnje kunder. Njezeri gjyqtaret e vleresuan ate si antikushtetuese. Menjehere kryeministri Sali Berisha, tha se vendimi i gjykates do te pranohet, cka sjell edhe nevojen per rinegociim mes Shqiperise dhe shtetit helen per kufijte detare. Nderkohe qe gjate mbledhjes se Komisionit te Sigurise, ku ishte i pranishem edhe Imami, u miratua kontrata mes qeverise shqiptare dhe kompanise franceze "Eurokopter", per blerjen e pese helikoptereve ushtarake. Kontrata e miratuar dje nga deputetet e komisionit, ka nje vlere prej 79 milione euro qe ende nuk ka nisur te paguhet. Megjithate, me marrjen e miratimit ne seance plenare, sipas perfaqesuesve te Ministrise se Mbrojtjes, do te nise te paguhet nje pjese e vogel e vleres se saj ne kompanine "Eurocopter". Specialistet shpjeguan gjate diskutimeve te djeshme, rendesine qe kane blerja e pese helikoptereve per nje vend anetar i NATO-s per ushtrine shqiptare. Sipas tyre, helikopteri i pare do te jete ne dispozicion te shtetit shqiptar 20 muaj pas pageses se kestit te pare financiar, pra vetem ne vitin 2011, pavaresisht se diskutimet po zhvillohen tashme ne Kuvend. Efekti financiar per pagesen e helikoptereve eshte parashikuar te shtrihet ne buxhetin vjetor per nje periudhe te gjate kohore, cka e kalon mandatin 4 vjecar te qeverise aktuale. Helikopteret qe do te blihen, permbushin sipas specialisteve te Ministrise se Mbrojtjes, kriteret edhe misione shpetimi pasi ne helikopter mund te vendosen deri ne gjashte shtreter si dhe 10 pasagjere te tjere.